14 تامىزدا پرەمەر-مينيستر كارىم ءماسىموۆ بريتان-قازاقستان بۇكىلپارتيالىق پارلامەنتتىك توبىنىڭ جەتەكشىسى لورد ۆيسكونت ۋەيۆەرليمەن كەزدەستى, دەپ حابارلادى پرەمەر-ءمينيستردىڭ باسپاسوز قىزمەتى.
كەزدەسۋدە قازاقستان-بريتان ساۋدا-ەكونوميكالىق قىزمەتتەستىگىن دامىتۋ ماسەلەلەرى تالقىلاندى.
* * *
14 تامىزدا پرەمەر-مينيستر كارىم ءماسىموۆ فرانتسيا سەناتورى ەمەري دە مونتەسكيۋمەن كەزدەستى, دەپ حابارلادى پرەمەر-مينيستردىڭ ءباسپاسوز قىزمەتى.
كەزدەسۋ بارىسىندا قازاقستان-فرانتسيا اراسىنداعى ساۋدا-ەكونوميكالىق سالاداعى ءوزارا ءىس-قيمىلداردى كەڭەيتۋدىڭ كوكەيكەستى ماسەلەلەرى تالقىلاندى. تاراپتار اۋىل شارۋاشىلىعى, ۆەتەريناريا, قورعانىس جانە اۆياتسيا ونەركاسىبى سالالارىنداعى قىزمەتتەستىكتىڭ الەۋەتى جوعارى ەكەندىگىنە نازار اۋداردى. اتاپ ايتقاندا, Eurocopter كومپانياسىنىڭ قازاقستاندا تىكۇشاقتار شىعارۋ جونىندەگى جوبانى بىرلەسىپ جۇزەگە اسىرۋعا مۇددەلى ەكەندىگى ايتىلدى.
ەمەري دە مونتەسكيۋ فرانتسۋز جاعىنىڭ قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ ۇستىمىزدەگى جىلدىڭ كۇزىندە پاريجگە رەسمي ساپارى كەزىندە قاجەتتى قۇجاتتارعا قول قويۋعا دايىن ەكەندىگىن راستادى.