جۋىردا “بىرلىگىمىز جاراسقان” اكتسياسى اياسىندا كەنتاۋ قالاسىنداعى “قامقور” بالاباقشاسىندا جەتىم بالالار مەن جاعدايى تومەن وتباسىلاردان شىققان بالالارعا ارنالعان مەيىرىمدىلىك اكتسياسى بولىپ ءوتتى. بۇل يگى ىسكە ءوندىرىس ورىندارىنىڭ, مەملەكەتتىك مەكەمەلەردىڭ باسشىلارى مەن قىزمەتكەرلەرى جانە جەكە كاسىپكەرلەر قاتىستى.
قالا اكىمىنىڭ ورىنباسارى م.قونىسوۆتىڭ اتاپ وتۋىنشە, كونستيتۋتسيادا كورسەتىلگەندەي, بالالار – ەلىمىزدىڭ تىرەگى, بولاشاعى. ەلىمىزدەگى حالىقتىڭ 30 پايىزىن بالالار قۇرايدى. ولاردى دەنى ساۋ, مەيىرىمدى, ءبىلىمدى, ءوز ەلىنىڭ ناعىز ازاماتى ەتىپ تاربيەلەۋىمىز كەرەك. قالا اكىمى نۇرجىگىت قالمۇرزاەۆ ءوز اتىنان قايىرىمدىلىق اكتسياسىنا 30 مىڭ تەڭگە قوستى. وزگە دە قاتىسۋشىلار مۇمكىندىگىنشە بالاباقشاعا قارجىلاي جانە زاتتاي دەمەۋشىلىك جاسادى. ناتيجەسىندە, 105 مىڭ تەڭگە جينالدى, سونداي-اق 52 مىڭ تەڭگەنىڭ ويىنشىقتارى مەن زاتتارى سىيعا تارتىلدى. تۇسكەن قارجىعا جەتىم جانە جاعدايى تومەن وتباسىلاردان شىققان بالالارعا كيىم-كەشەك پەن ويىنشىقتار الىناتىن بولادى. اكتسيا سوڭى بالاباقشانىڭ جاس جەتكىنشەكتەرى دايىنداعان كونتسەرتتىك باعدارلامامەن جالعاسىن تاپتى.
قايرات قۋانىشبەك ۇلى. وڭتۇستىك قازاقستان وبلىسى.