قازاقستان رەسپۋبليكاسىنىڭ وزبەكستانداعى توتەنشە جانە وكىلەتتى ەلشىسى ءبورىباي جەكسەمبين بۇۇ ەسىرتكى جانە قىلمىس جونىندەگى باسقارماسىنىڭ ورتالىق ازياداعى ايماقتىق وكىلى ماسۋد كاريميپۋرمەن كەزدەستى, دەپ حابارلادى ءسىم-ءنىڭ ءباسپاسوز قىزمەتى.
كەزدەسۋ بارىسىندا ب.جەكسەمبين اڭگىمەلەسۋشى تاراپتى ورتالىق ازياداعى پرەكۋرسورلاردى قاداعالاۋ, ورتالىق ازياداعى سوت-مەديتسينا زەرتحانالارىنا كەڭەستىك كومەك كورسەتۋ, قازاقستاننىڭ جەكەلەگەن باقىلاۋ-وتكىزۋ پۋنكتتەرىندە ەسىرتكى مەن قىلمىستىڭ الدىن الۋ سالاسىنداعى باقىلاۋدىڭ مۇمكىندىكتەرىن جەتىلدىرۋ سەكىلدى قازاقستاننىڭ بۇۇ ەسىرتكى جانە قىلمىس جونىندەگى باسقارماسىمەن ىنتىماقتاستىق اياسىندا جۇزەگە اسىرىلىپ جاتقان جوبالاردان حاباردار ەتتى.
م.كاريميپۋر ءوز كەزەگىندە بۇۇ ايماقتىق قۇرىلىمىنىڭ قىزمەتىنە قازاقستاننىڭ بەلسەندى قاتىسقانى ءۇشىن العىسىن بىلدىرە كەلىپ, نەگىزگى قىزمەتى ەسىرتكى, پسيحوتروپتى زاتتاردىڭ جانە ولاردىڭ پرەكۋرسورلارىنىڭ زاڭسىز اينالىمىمەن كۇرەسۋگە باعىتتالعان ورتالىقازيالىق ايماقتىق اقپاراتتىق ۇيلەستىرۋ ورتالىعىنىڭ ماڭىزدىلىعىن اتاپ ءوتتى.
“ەگەمەن-اقپارات”.