2010 جىلعى 5 تامىز استانا, ۇكىمەت ءۇيى
قازاقستان رەسپۋبليكاسى ۇكىمەتىنىڭ 2009 جىلعى 20 ساۋىردەگى № 555 قاۋلىسىنا تولىقتىرۋلار مەن وزگەرىس ەنگىزۋ تۋرالى
قازاقستان رەسپۋبليكاسىنىڭ ۇكىمەتى قاۋلى ەتەدى:
1. “مەملەكەتتىك كىتاپحانالاردىڭ, مەملەكەتتىك مۇراجايلار مەن مۇراجاي-قورىقتاردىڭ تاۋارلاردى (جۇمىستاردى, قىزمەتتەردى) وتكىزۋ جونىندەگى اقىلى قىزمەت تۇرلەرىن كورسەتۋ ەرەجەسىن بەكىتۋ تۋرالى” قازاقستان رەسپۋبليكاسى ۇكىمەتىنىڭ 2009 جىلعى 20 ساۋىردەگى № 555 قاۋلىسىنا (قازاقستان رەسپۋبليكاسىنىڭ ءپۇاج-ى, 2009 ج., № 20, 176-قۇجات) مىناداي تولىقتىرۋلار مەن وزگەرىس ەنگىزىلسىن:
تاقىرىبى جانە 1-تارماق “كورسەتۋ” دەگەن سوزدەن كەيىن “جانە ولاردىڭ تاۋارلاردى (جۇمىستاردى, قىزمەتتەردى) وتكىزۋدەن تۇسكەن اقشانى جۇمساۋ” دەگەن سوزدەرمەن تولىقتىرىلسىن;
كورسەتىلگەن قاۋلىمەن بەكىتىلگەن مەملەكەتتىك كىتاپحانالاردىڭ, مەملەكەتتىك مۇراجايلار مەن مۇراجاي-قورىقتاردىڭ تاۋارلاردى (جۇمىستاردى, قىزمەتتەردى) وتكىزۋ جونىندەگى اقىلى قىزمەت تۇرلەرىن كورسەتۋ ەرەجەسىندە:
تاقىرىبى جانە 1-تارماق “كورسەتۋ” دەگەن سوزدەن كەيىن “جانە ولاردىڭ تاۋارلاردى (جۇمىستاردى, قىزمەتتەردى) وتكىزۋدەن تۇسكەن اقشانى جۇمساۋ” دەگەن سوزدەرمەن تولىقتىرىلسىن;
مىناداي مازمۇنداعى 8, 9, 10 جەنە 11-تارماقتارمەن تولىقتىرىلسىن:
“8. زاڭدا كوزدەلگەن مەملەكەتتىك كىتاپحانالاردىڭ, مۇراجايلار مەن مۇراجاي-قورىقتاردىڭ نەگىزگى قىزمەتىنە قاتىسى جوق تاۋارلاردى (جۇمىستاردى, قىزمەتتەردى) وتكىزۋدەن تۇسەتىن قاراجات مەملەكەتتىك كىتاپحانالاردىڭ, مۇراجايلار مەن مۇراجاي-قورىقتاردىڭ تاۋارلاردى (جۇمىستاردى, قىزمەتتەردى) وتكىزۋدەن تۇسەتىن, وزدەرىنىڭ يەلىگىندە قالاتىن قولما-قول اقشانى باقىلاۋ شوتتارىنا ەسەپكە الىنادى جانە قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جۇمسالادى.
9. مەملەكەتتىك كىتاپحانالاردىڭ نەگىزگى قىزمەتىنە قاتىسى جوق تاۋارلاردى (جۇمىستاردى, قىزمەتتەردى) وتكىزۋدەن تۇسەتىن قاراجات مىناداي باعىتتار بويىنشا:
1) ماتەريالدىق-تەحنيكالىق بازانى نىعايتۋگا;
2) قىزمەتتەر كورسەتۋ ءۇشىن تارتىلاتىن ماماندارعا ەڭبەكاقى تولەۋگە;
3) شارۋاشىلىق شىعىستارعا (بايلانىس قىزمەتتەرىنە اقى تولەۋ, كولىكتىك قىزمەتتەرگە اقى تولەۋ, ەلەكتر ەنەرگياسىنا, جىلۋعا, سۋمەن جابدىقتاۋعا اقى تولەۋ جانە باسقا دا كوممۋنالدىق شىعىستار, اعىمداعى ماقساتتار ءۇشىن زاتتار مەن ماتەريالدار ساتىپ الۋ);
4) كىتاپحانا قورلارىن تولىقتىرۋ ءۇشىن ادەبيەت, ەلەكتروندىق كوللەكتسيالار مەن دەرەكقور ساتىپ الۋعا;
5) كىتاپ قورىن, وقۋ الەۋمەتتانىمىن ساقتاۋ ماسەلەلەرى بويىنشا عىلىمي جانە ادىستەمەلىك ادەبيەت شىعارۋعا;
6) جەكە جانە مەملەكەتتىك ەمەس زاڭدى تۇلعالاردىڭ تاپسىرىستارى (وتىنىمدەرى) بويىنشا وقىتۋ جۇرگىزۋ ءۇشىن وقۋ قۇرالدارىن, كورنەكى ماتەريالدار ساتىپ الۋعا;
7) جەكە جانە مەملەكەتتىك ەمەس زاڭدى تۇلعالاردىڭ تاپسىرىستارى (وتىنىمدەرى) بويىنشا وقىتۋ ترەنينگتەرىن, سەمينارلار, كونفەرەنتسيالار وتكىزۋگە;
8) بۇقارالىق ءىس-شارالاردى وتكىزۋگە (ادەبي كەشتەر, كورمەلەر, تۇساۋكەسەرلەر, كونكۋرستار, كىتاپ كۇندەرى, فەستيۆالدار);
9) بلانك ونىمدەرىن, بروشيۋرالاردى, اۆتورەفەراتتاردى, وقىرمان بيلەتتەرىن, تالاپ پاراقشالارىن جاساۋعا جانە تيراجداۋعا, مۇقابانى باسىپ شىعارۋعا, تاراقتى تۇپتەۋگە;
10) كىتاپحانالار باسىلىمدارىن, دىبىس جازبالارىنىڭ, بەينەفيلمدەردىڭ, فونوگراممالاردىڭ كوشىرمەلەرىن وتكىزۋگە;
11) كىتاپتاردى, جۋرنالداردى جوندەۋگە, قالپىنا كەلتىرۋگە جانە تۇپتەۋگە;
12) فوتو, كينو, بەينە تۇسىرىمدەرگە, جەكەلەگەن ماقالالاردىڭ جانە كىتاپتار مەن مەرزىمدى باسپا باسىلىمدارىنان الىنعان ماتەريالداردىڭ ميكروكوشىرمەسىن الۋعا;
13) مادەني قۇندىلىقتار مەن تاريح جەنە مادەنيەت ەسكەرتكىشتەرىن قالپىنا كەلتىرۋگە جۇمسالادى.
10. مەملەكەتتىك مۇراجاي مەن مۇراجاي-قورىقتاردىڭ نەگىزگى قىزمەتىنە قاتىسى جوق تاۋارلاردى (جۇمىستاردى, قىزمەتتەردى) وتكىزۋدەن تۇسەتىن قاراجات مىناداي باعىتتار بويىنشا:
1) ماتەريالدىق-تەحنيكالىق بازانى نىعايتۋعا;
2) اقىلى قىزمەتتەر كورسەتۋ ءۇشىن تارتىلاتىن ماماندارعا ەڭبەكاقى تولەۋگە;
3) شارۋاشىلىق شىعىستارعا (بايلانىس قىزمەتتەرىنە اقى تولەۋ, كولىكتىك قىزمەتتەرگە اقى تولەۋ, ەلەكتر ەنەرگياسىنا, جىلۋعا, سۋمەن جابدىقتاۋعا اقى تولەۋ جانە باسقا دا كوممۋنالدىق شىعىستار, اعىمداعى ماقساتتار ءۇشىن زاتتار مەن ماتەريالدار ساتىپ الۋ);
4) جەكە جانە مەملەكەتتىك ەمەس زاڭدى تۇلعالاردىڭ تاپسىرىستارى (وتىنىمدەرى) بويىنشا وقىتۋ جۇرگىزۋ ءۇشىن ءۇي-جايدى جالعا الۋعا جانە وقۋ قۇرالدارىن, كورنەكى ماتەريالدار ساتىپ الۋعا جۇمسالادى.
11. مەملەكەتتىك كىتاپحانالاردىڭ, مۇراجايلار مەن مۇراجاي-قورىقتاردىڭ نەگىزگى قىزمەتىنە قاتىسى جوق تاۋارلاردى (جۇمىستاردى, قىزمەتتەردى) وتكىزۋدەن تۇسەتىن قاراجاتتى ەسەپكە الۋ, ونىڭ ەسەپتىلىگى جانە جۇمسالۋى قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى.”.
2. مىنالاردىڭ كۇشى جويىلدى دەپ تانىلسىن:
1) “مەملەكەتتىك كىتاپحانالاردىڭ, مۇراجايلار مەن مۇراجاي-قورىقتاردىڭ نەگىزگى قىزمەتىنە قاتىسى جوق تاۋارلاردى (جۇمىستاردى, قىزمەتتەردى) وتكىزۋدەن قاراجات ءتۇسۋ جانە ونى پايدالانۋ ەرەجەسىن بەكىتۋ تۋرالى” قازاقستان رەسپۋبليكاسى ۇكىمەتىنىڭ 2007 جىلعى 4 ساۋىردەگى № 262 قاۋلىسى (قازاقستان رەسپۋبليكاسىنىڭ ءپۇاج-ى, 2007 ج., № 11, 121-قۇجات);
2) “مەملەكەتتىك كىتاپحانالاردىڭ, مەملەكەتتىك مۇراجايلار مەن مۇراجاي-قورىقتاردىڭ تاۋارلاردى (جۇمىستاردى, قىزمەتتەردى) وتكىزۋ جونىندەگى اقىلى قىزمەت تۇرلەرىن كورسەتۋ ەرەجەسىن بەكىتۋ تۋرالى” قازاقستان رەسپۋبليكاسى ۇكىمەتىنىڭ 2009 جىلعى 20 ساۋىردەگى № 555 قاۋلىسىنىڭ 2-تارماعى (قازاقستان رەسپۋبليكاسىنىڭ ءپۇاج-ى, 2009 ج., № 20, 176-قۇجات).
3. وسى قاۋلى العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
قازاقستان رەسپۋبليكاسىنىڭ پرەمەر-ءمينيسترى ك.ءماسىموۆ.