كەشە ستاتيستيكا اگەنتتىگىندە اتالعان اگەنتتىك توراعاسى ءاليحان سمايىلوۆ جۋرناليستەرمەن ءباسپاسوز ماسليحاتىن وتكىزدى. بۇل وتىرىس بيىلعى جىلعى قاڭتار-شىلدە ارالىعىنداعى ەلىمىزدىڭ الەۋمەتتىك-ەكونوميكالىق دامۋىنىڭ قىسقاشا قورىتىندىلارىنا ارنالدى.
– قىسقا مەرزىمدى ەكونوميكالىق ينديكاتور 2010 جىلعى قاڭتار-شىلدەدە 2009 جىلعى قاڭتار-شىلدەگە قاراعاندا 109,2 پايىزدى قۇرادى. قىسقا مەرزىمدى ەكونوميكالىق ينديكاتوردى ەسەپتەۋ جەدەلدىلىكتى قامتاماسىز ەتۋ ماقساتىندا جۇزەگە اسىرىلادى جانە ىشكى جالپى ءونىمنىڭ 67-68 پايىزىن قۇرايتىن اۋىل شارۋاشىلىعى, ونەركاسىپ, قۇرىلىس, ساۋدا, كولىك جانە بايلانىس سياقتى نەگىزگى سالالار بويىنشا شىعارىلىم يندەكستەرىنىڭ وزگەرۋىنە نەگىزدەلەدى.
ۇستىمىزدەگى جىلعى قاڭتار-شىلدە ايلارىندا ونەركاسىپ ءوندىرىسىنىڭ كولەمى قولدانىستاعى باعالاردا 6474,7 ملرد. تەڭگەنى قۇرادى. بۇل ءوتكەن جىلعى وسى ايلارعا قاراعاندا 11 پايىزعا ارتىق. كەن ءوندىرۋ ونەركاسىبىندە جانە كارەرلىك جۇمىستا – 5,8 پايىز, وڭدەۋ ونەركاسىبىندە – 19,4 پايىز, ەلەكترمەن جابدىقتاۋ, گاز, بۋ بەرۋ جانە اۋا باپتاۋدا 8,1 پايىز ءوسىم بايقالدى. سونىمەن قاتار اۋىل شارۋاشىلىعى جالپى ءونىمىنىڭ كولەمى بيىلعى جىلدىڭ قاڭتار-شىلدەسىندە 460,0 ملرد. تەڭگەنى قۇراسا, وتكەن جىلدىڭ وسى كەزەڭىمەن سالىستىرعاندا 1,3 پايىزعا ارتىپ وتىر, – دەپ اتاپ ءوتتى اگەنتتىك توراعاسى ءا.سمايىلوۆ.
بىلتىرعى جىلعى قاڭتار-ءشىلدەدە نەگىزگى كاپيتالعا سالىنعان ينۆەستيتسيالار كولەمى 2257,6 ملرد. تەڭگەنى قۇراعان. بۇل وتكەن جىلعى ءتيىستى كەزەڭگە قاراعاندا 2,9 پايىز كەم. ەسەپتى كەزەڭدە كوتەرمە ساۋدا تاۋار اينالىمى 3890727,5 ملن. تەڭگەنى قۇراپ, 2009 جىلعى قاڭتار-شىلدە ايلارىمەن سالىستىرعاندا 13,5 پايىزعا ارتقان. ال بولشەك ساۋدا تاۋار اينالىمى (قوعامدىق تاماقتاندىرۋ اينالىمىنسىز) 1589968,7 ملن. تەڭگەنى قۇراپ, وتكەن جىلمەن سالىستىرعاندا 13,3 پايىزعا وسكەن. تۇتىنۋ باعالارىنىڭ يندەكسى 2010 جىلعى شىلدەدە 2009 جىلعى جەلتوقسانمەن سالىستىرعاندا 104,6 پايىزدى قۇراعان. ازىق-ت ۇلىك تاۋارلارىنا باعالار 5,6 پايىز, ازىق-ت ۇلىك ەمەس تاۋارلار – 3 پايىز, اقىلى قىزمەتتەر كورسەتۋگە 4,8 پايىز ارتقان. ونەركاسىپ ءونىمىن ءوندىرۋشى كاسىپورىندار باعالارى 2010 جىلعى شىلدەدە وتكەن جىلدىڭ جەلتوقسانىمەن سالىستىرعاندا 2,5 پايىز ارتقان.
2010 جىلعى 1 جارتىجىلدىقتاعى جەدەل دەرەكتەر بويىنشا, ىشكى جالپى ءونىم كولەمى اعىمداعى باعالاردا 8733,0 ملرد. تەڭگە بولسا, 2009 جىلعى ءتيىستى كەزەڭمەن سالىستىرعاندا ناقتى ءىجو-ءنىڭ ءوسۋى 8,0 پايىزدى قۇراعان.
بيىلعى جىلعى ماۋسىمدا حالىقتىڭ ورتاشا جان باسىنا شاققاندا اقشالاي تابىستار باعا بويىنشا 41 181 تەڭگەنى قۇراسا, ءوسىم وتكەن جىلعى ماۋسىممەن سالىستىرعاندا اتاۋلى اقشالاي تابىستار ءۇشىن 17,7 پايىز, ناقتى اقشالاي تابىستار ءۇشىن 10,2 پايىزدى قۇراعان. اعىمداعى جىلعى ماۋسىمداعى قىزمەتكەرلەرگە ەسەپتەلگەن ورتاشا ايلىق اتاۋلى جالاقى 81266 تەڭگەنى مولشەرلەسە, 2009 جىلعى ماۋسىمعا قاراعاندا 17,9 پايىز وسكەن.
2010 جىلعى شىلدەدەگى جۇمىسسىزدار سانى باعالاۋ بويىنشا 498,1 مىڭ ادامدى قۇراعان. جۇمىسسىزدىق دەڭگەيى ەكونوميكالىق بەلسەندى حالىقتىڭ 5,7 پايىزىن قۇراپ وتىر. جۇمىسپەن قامتۋ ورگاندارىندا جۇمىسسىزدار رەتىندە تىركەلگەندەر سانى بىلتىرعى جىلعى شىلدەنىڭ سوڭىندا 71,7 مىڭ ادام بولعان. جاسىرىن جۇمىسسىزدىق دەڭگەيى باعالاۋ بويىنشا ەكونوميكالىق بەلسەندى حالىق سانىنىڭ 0,4 پايىزىن قۇراعان.
ءابدىراحمان قىدىربەك.