9 تامىز كۇنى رەسەي فەدەراتسياسىنىڭ گورنو-التايسك قالاسىندا قازاقستان رەسپۋبليكاسى مەن رەسەي فەدەراتسياسىنىڭ اراسىنداعى قىزمەتتەستىك جونىندەگى ۇكىمەتارالىق كوميسسيانىڭ وڭىرارالىق جانە شەكارالىق قىزمەتتەستىك جونىندەگى تەتەكوميسسياسىنىڭ ونىنشى وتىرىسى بولىپ ءوتتى. قازاقستاندىق دەلەگاتسيانى ەكونوميكالىق دامۋ جانە ساۋدا ۆيتسە-ءمينيسترى تيمۋر سۇلەيمەنوۆ, رەسەيلىك دەلەگاتسيانى رف وڭىرلىك دامۋ ءمينيسترىنىڭ ورىنباسارى ماكسيم تراۆنيكوۆ باسقاردى.
تەتەكوميسسيانىڭ ساراپتامالىق وتىرىسىندا شەكارالىق قىزمەتتەستىك سالاسىندا كولىك, قورشاعان ورتانى جانە تابيعات رەسۋرستارىن قورعاۋ ماسەلەلەرى قارالدى.
وتىرىس بارىسىندا قازاقستان جانە رەسەي مەملەكەتتەرى باسشىلارىنىڭ قاتىسۋىمەن 6-7 قىركۇيەكتە وسكەمەن قالاسىندا وتەتىن وڭىرارالىق جانە شەكارالىق قىزمەتتەستىكتىڭ ءVىى فورۋمى شەڭبەرىندە قول قويىلۋى جوسپارلانىپ وتىرعان كەلىسىمدەردىڭ جوبالارىنا قاتىستى باستى ماسەلەلەر اڭگىمە ارقاۋىنا اينالدى.
“ەگەمەن-اقپارات”.