قىلمىستىق اتقارۋ جۇيەسى كوميتەتىنىڭ اقمولا وبلىسى بويىنشا دەپارتامەنتى 12 تامىز كۇنى جۋرناليستەردى ارنايى ءباسپاسوز ءماسليحاتىنا شاقىردى. وعان دەپارتامەنت باستىعىنىڭ مىندەتىن اتقارۋشى, ادىلەت پودپولكوۆنيگى جانات كەشۋباەۆ, اقمولا وبلىسىنىڭ پروكۋرورى بولات ابدۋلوۆ, “نۇر وتان” حدپ وبلىستىق فيليالى ءتوراعاسىنىڭ ورىنباسارى دۋلات جۇرىمباەۆ, جابىق مەكەمەلەردىڭ جۇمىسىن باقىلاۋ جونىندەگى قوعامدىق كوميسسيانىڭ ءتورايىمى ليۋبوۆ رۋبەجانسكايا قاتىسىپ, گرانيتنىي پوسەلكەسىندەگى ەتس-166/25 كولونياسىنداعى ءۇش كۇنگە سوزىلعان ب ۇلىككە قاتىستى تۇسىنىك بەردى.
2010 جىلعى 9 تامىزدىڭ كەشىندە جالپى رەجىمدەگى كولونياداعى جازاسىن وتەۋشىلەر اراسىندا ءتوبەلەس شىعىپ, ءتورت ادام اۋىر جاراقات العان. ونىڭ ارتى جۇزدەگەن ادام قاتىسقان جاپپاي ب ۇلىككە ۇلاسىپ, كولونيا اكىمشىلىگى مەن قىزمەتكەرلەرىنە قىسىم كورسەتۋ ارقىلى زاڭسىز تالاپتار قويىلدى. جاعداي كەلەسى كۇنى دە ۋشىعىپ, ءتوتەنشە جاعداي جاريالاندى. دەپارتامەنت باسشىلىعى, پروكۋراتۋرا, قوعامدىق ۇيىمدار تاراپىنان قۇرىلعان ارنايى شتاب جۇرگىزگەن تۇسىنىك جۇمىستارى ناتيجەسىندە 50 ادام زاڭسىز ارەكەتتەردەن باس تارتقانىمەن, جاعداي كۇردەلىلەنە ءتۇسكەن. اقىرىندا, 11 تامىز كۇنگى 22.00 ساعاتتا ءىىم كۇشتەرىمەن ارنايى وپەراتسيا جۇرگىزۋگە شەشىم قابىلداندى. ءسويتىپ, ب ۇلىك اۋىزدىقتالىپ, جاعداي قالىپتى سيپات الدى.
ءباسپاسوز ءماسليحاتىن وتكىزۋشىلەردىڭ مالىمدەۋىنشە, ب ۇلىك سالدارىنان جازاسىن وتەۋشى 81 ادام ءارتۇرلى دارەجەدەگى جاراقات الىپ, ونىڭ 70-ءى كوكشەتاۋدىڭ 4 اۋرۋحاناسىنا جاتقىزىلعان. ءوزىن-ءوزى ورتەگەن ەكى ادامنىڭ بىرەۋى قايتىس بولىپتى. اسكەريلەر قاتارىنان دا ءۇش كىسى جاراقاتتانعان.
وبلىستىق ىشكى ىستەر دەپارتامەنتى وسى وقيعاعا قاتىستى قىلمىستىق كودەكستىڭ 360 جانە 361-باپتارىمەن قىلمىستىق ىستەر قوزعاپ, زەرتتەۋ-تەرگەۋ جۇمىستارى جۇرگىزىلۋدە.
باقبەرگەن امالبەك. اقمولا وبلىسى.
* * *
ادام ساتقان كۇدىكتى قولعا ءتۇستى
اقتوبە وبلىسىنىڭ ءىىد ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى 37 جاستاعى ازاماتتى قۇرىقتادى. كۇدىكتى ادام ساۋداسىمەن اينالىسقان.
ماۋسىم ايىنىڭ باسىندا ءىىد ۇيىمداسقان قىلمىسقا قارسى كۇرەس باسقارماسىنا جەدەل مالىمەت ءتۇسىپتى. اقتوبە قالاسىنىڭ ماڭىنداعى ساياجايدا ادام ساۋداسىمەن اينالىساتىن مۇرات ەسىمدى ازمات بار ەكەنىن پوليتسەيلەرگە 31 جاستاعى جىگىت حابارلاعان كورىنەدى. اقتوبە وبلىسىنىڭ ءىىد باسشىلىعى وسى اقپاراتتى تەكسەرىپ, انىق-قانىعىنا كوز جەتكىزگەن سوڭ, كۇدىكتىنى قولعا ءتۇسىرۋ ءۇشىن ارنايى جوسپار قۇرعان. كەشەندى جەدەل ىزدەستىرۋ شاراسى بارىسىندا 37 جاستاعى كۇدىكتى 44 جاستاعى ادامدى ساتۋ ساتىندە قولعا ءتۇستى. 44 جاستاعى ازاماتتىڭ قۇنىن 48 مىڭ تەڭگەگە باعالاپتى. بۇل شۇعىل شارا پروكۋراتۋرا جانە باسقا دا قۇزىرلى ورگاندارمەن بىرگە جۇزەگە اسىپ وتىر. 44 جاستاعى ساتىلعان ازاماتتىڭ تۇرعىلىقتى مەكەن-جايى بولماعان. جابىرلەنۋشىنىڭ ايتۋىنشا ساياجايدا ءۇش تاۋلىك بويى قاماۋدا وتىرعان ەكەن. ءوز “قوجايىنىنىڭ” بىرنەشە مارتە ۇرىپ-سوققانىن جاسىرمايدى. كۇدىكتى بۇرىن قاراقشىلىق جاساعانى ءۇشىن سوتتالعان. قازىر 37 جاستاعى ازاماتتىڭ ۇستىنەن قىلمىستىق كودەكستىڭ 128-ءشى بابى بويىنشا ءىس قوزعالدى.
ءمادي قۋانىش ۇلى. اقتوبە.