رەسەيدىڭ استراحان وبلىسى, ەنوتاەۆ اۋدانىنداعى ۆوستوك سەلوسىندا مەشىت اشىلدى. يماندىلىق ءۇيىنىڭ اشىلۋ راسىمىنە استراحان وبلىسىنىڭ ءمۇفتيى نازىمبەك يليازوۆ قاتىسىپ, تۇرعىنداردى جاڭا مەشىتتىڭ اشىلۋىمەن قۇتتىقتادى.
ءمۇفتي يماندىلىق ءۇيىنىڭ قالالاردا عانا ەمەس, سەلولاردا دا بوي كوتەرۋى, رەسەي جەرىندە تۇرىپ جاتقان بارشا مۇسىلماندارعا كورسەتىلگەن قۇرمەت ەكەندىگىن اتاپ ءوتتى. سونداي-اق ول بۇگىندە كوپۇلتتى استراحان وبلىسىندا مەشىتتەرمەن قاتار, شىركەۋلەر مەن سيناگوگالار كەلۋشىلەرگە قىزمەت ەتىپ جاتقانىنا, بۇل كەيىنگى ۇرپاققا ءوز دىندەرى مەن سالت-داستۇرلەرىن دامىتۋعا ۇلگى-ونەگە بولاتىنىنا توقتالدى.
ءمۇفتيدىڭ ءسوزىن اۋدان باسشىسى ميحايل انيشكو دا قولداپ, كوپشىلىكتى مەشىت ءۇيىنىڭ اشىلۋىمەن قۇتتىقتادى. سونىمەن بىرگە, اۋدان باسشىسى ءوزىنىڭ ۇلتتىق ماسەلەلەر جونىندەگى كەڭەسشىسى بولىپ تولەگەن ماقاشەۆتىڭ, ال ەنوتاەۆ اۋدانىنىڭ يمامى بولىپ يلدار جاۆدەتوۆتىڭ بەكىتىلگەنىن حابارلادى.
امانجول يلياسوۆ, رەسەي جۋرناليستەر وداعىنىڭ مۇشەسى.
استراحان وبلىسى.