پرەزيدەنتتىڭ قۇتتىقتاۋىن جەتكىزدى

وندا: “قازاقستان رەس­پۋبليكاسى حال­قىنىڭ اتىنان جانە جەكە ءوز اتىمنان ءسىزدى دۇنيە­جۇ­زىلىك يسلام ليگاسىنىڭ قۇرىل­عانىنا 50 جىل تولۋ مەرەيتويىمەن شىن جۇرەكتەن قۇتتىقتايمىن. قوعامنىڭ رۋحاني قۇندىلىق­تارىن, سونداي-اق كونفەسسياارالىق تاتۋلىق پەن كەلىسىمدى نىعايتۋعا با­عىتتالعان ءسىزدىڭ ەڭبەگىڭىز بەن كۇش-جىگەرىڭىز قازاقستاندىق قوعامدا كەڭىنەن تانىمال. ءسىزدىڭ باسشىلىعىڭىزداعى دۇ­نيەجۇزىلىك يسلام ليگاسى كورسەت­كەن قولداۋدىڭ ناتيجەسىندە قازاق­ستان باستاماسى – الەمدىك جانە ءداستۇرلى دىندەر ليدەرلەرىنىڭ سەزى بۇگىنگى تاڭدا دىنارالىق كەلىسىم ءۇر­دىسىن دامىتۋ ماسەلەلەرى بويىنشا سىندارلى پىكىر الماسۋعا مۇمكىندىك بەرەتىن تۇعىرناما رەتىندە قالىپ­تاستى جانە الەمدەگى ءتۇرلى كونفەس­سيالار وكىلدەرىنىڭ باسىن قوساتىن ءتيىمدى قۇرالداردىڭ بىرىنە اينالدى. وسى مۇمكىندىككە وراي سەز­دىڭ العا قويعان ماق­سات­تارى مەن مىندەتتەرىن جۇزەگە اسىرۋ جولىندا قو­سىپ وتىرعان قوماقتى ۇلە­سىڭىز ءۇشىن سىزگە جانە دۇنيەجۇزىلىك يسلام ليگاسىنا شىنايى العى­سىمدى بىلدىرگىم كەلەدى.

2011 جىلى استانادا “تمد ەل­دەرىندەگى يسلام ءدىنىنىڭ بۇگىنگى جاع­دايى” تاقىرىبىندا حالىقارالىق يسلام كونفەرەنتسياسىن ءسىزدىڭ قول­داۋىڭىزبەن وتكىزۋدى ماڭىزدى دەپ سانايمىن. جاراتقان يەمىزدەن سىزگە ۇزاق عۇمىر, زور دەنساۋلىق, يسلام جو­لىن­داعى يگى ىستەرىڭىز بەن باستاما­لارىڭىزعا ساتتىلىك بەرسىن دەپ تى­لەيمىن. بۇكىل مۇسىلمان قاۋىمىنا اللا تاعالا نۇرىن جاۋدىرىپ, بە­رە­كە-بىرلىگىن ارتتىرا بەرسىن” دەلىنگەن. كونفەرەنتسياعا ازيا, افريكا, ەۋروپا, لاتىن امەريكاسى, اقش ەل­دەرىنىڭ مەملەكەت جانە ءدىن قاي­رات­كەرلەرى ءھام عالىمدارى دا قا­تىس­تى. ونىڭ جۇمىسى ەلدىڭ كورولى اب­دۋللا بين ابد ءال-ءازيزدىڭ قول­داپ, قۇتتىقتاۋىمەن, پرەمەر-ءمي­نيستر­دىڭ ورىنباسارى, كورولدىكتىڭ ىشكى ىستەر ءمينيسترى نايف بين ءابد ءال-ءازيزدىڭ قاتىسىپ ءسوز سويلەۋىمەن جالعاستى. باس ءمۇفتيدى ارنايى قابىلداۋ كەزىندە دوكتور ابدۋللا بين ابد ءال-مۋحسين ات-تۇركي جا­ھان­­دىق بە­­دەلدى مەكەمەنىڭ 50 جىل­دىق تويى­مەن قۇت­تىق­تا­عانى ءۇشىن قازاق­ستان ەل­باسىنا ريزاشى­لىق ءبىلدى­رىپ, ال­ەمگە ايگىلى ۇلكەن مەم­­لەكەت قاي­رات­كە­رىنىڭ ۋا­قىت ءبولىپ, ليگاعا ىزگى تى­لەك بىل­دىرگەنىنە ال­عىس بىل­دى­رە كە­لە, ن.ءا.نا­­زار­باەۆ­قا راحمەت ايتىپ ارنا­يى حات جى­­بەرەتىنىن مالىمدەدى.

ساۋد ەلى قازاق­ستان­نىڭ بيىل ەقىۇ سەكىلدى حا­لىق­ارالىق بەدەلدى ۇي­ىم جانە كەلەسى جىلى يكۇ-عا تو­راعا بو­لا­تى­نىن, قازاق­ستان­­نىڭ ن.ءا.نا­­­زارباەۆ­تىڭ باسشى­لىعىمەن بۇرىن بول­ماعان ۇل­كەن جە­تىس­تىك­تەر­گە جەتىپ وت­­ىرعانىنا قۋا­­نىش­تى ەكەنىن حابار­لادى. ءدىنباسى شەيح ءاب­سات­­­­تار قاجى دەر­­­­­بىسالى قازاق­­ستان مۇسىلمان­دا­رى­نىڭ ءدىني باسقار­ما­سى ەلباسى­نىڭ يگى ساياساتىن ءدىن ارقىلى قول­داپ, قازاقستان حال­قى­نىڭ ىن­تى­ماعى مەن بىرلىگىن ساق­تاۋدا ۇلكەن جۇمىس جۇرگىزىپ وتىر­عانىن, ول باس ءمۇفتي بولعالى يسلام ءدىنى بيىك بە­لەسكە كوتەرىل­گەنىنە نازار اۋدارتتى. قازاقستاندا يسلام ۋني­ۆەرسيتەتى مەن ينستي­تۋتى, 8 مەدرەسە اشىلىپ, ولاردىڭ يسلام ءدىنى كادرلارىن دايارلاپ جاتقانى ليگاعا ءمالىم ەكەنى, قازاقستاندا سوڭعى 10 جىلدا 1000-عا جۋىق مەشىتتەر سالىنعانى, ءدىني ىستەردىڭ دۇرىس جۇرگىزىلۋى ار­قاسىندا ءدىني باسقار­ما­نىڭ حالىق­تىڭ قولداۋىنا يە بولىپ وتىرعانى سۇيسىنتەتىنىنە توقتالدى. كەزدەسۋدەن سوڭ شەيح ءابساتتار قا­جى دەربىسالى بۇقارالىق اقپارات قۇ­رالدارىمەن ءباسپاسوز كونفەرە­ن­تسياسىن وتكىزدى.

“ەگەمەن-اقپارات”.