ءوزارا ءىس-قيمىلدار نىعايا بەرمەك

قازاقستان رەسپۋبليكاسى ۇلت­تىق قاۋىپسىزدىك كوميتەتىنىڭ ءتورا­عاسى گەنەرال-لەيتەنانت ءادىل شاياح­مەتوۆ ەلىمىزدە جۇ­مىس ساپارىمەن جۇرگەن گەر­ما­نيا فەدەراتيۆتىك رەس­پۋب­ليكا­سىنىڭ قىلمىستىق پولي­تسياسى فەدەرالدىق ۆەدومستۆو­سى­نىڭ پرەزيدەنتى يورگ تسير­كەمەن كەزدەستى. كەزدەسۋ بارىسىندا حالىق­ارا­لىق تەرروريزمگە, ەسىرتكى ساۋ­داسى مەن ۇيىمداسقان قىل­مىسقا قارسى كۇرەستىڭ وزەكتى ماسەلەلەرى بوي­ىنشا ەكىجاقتى ىنتىماقتاستىقتىڭ جاعدايى مەن بولاشاعى تالقى­لان­دى, سونداي-اق قازىرگى زامانعى قاۋ­ىپ-قاتەرلەرگە قارسى تۇرۋ كە­زىندەگى ءوزارا ءىس-قيمىلدى نى­عاي­تۋدىڭ ناقتى شارالارى ايقىندالدى. سونىمەن بىرگە, گفر قىل­مىس­تىق پوليتسياسى فەدەرال­دىق ۆە­دومستۆوسى دەلەگاتسيا­سى­نىڭ قازاق­ستان رەسپۋبليكاسى قۇقىق قورعاۋ ورگاندارىنىڭ جانە ەسىرتكى زاتتا­رى, پسيحو­تروپ­ت­ىق زاتتار ءارى ولار­دىڭ پرە­­كۋرسورلارىنىڭ زاڭسىز اي­نالىمىنا قارسى كۇرەس ءجو­نىندەگى ورتالىق ازيا وڭىرلىك اق­پاراتتىق ۇيلەستىرۋ ورتالى­عى­نىڭ باسشىلى­عىمەن كەزدە­سۋ­لەرى جوسپارلانعان, دەپ حابار­لا­دى قر ۇقك ءباسپاسوز قىزمەتى.