5 تامىز كۇنى استانادا قىسقى ازيا ويىندارىنا دايىندىق جونىندەگى قالالىق ديرەكتسيا, “نۇر وتان” حدپ جانە “Sport ءRacىng Club” قوعامدىق بىرلەستىگىنىڭ ۇيىمداستىرۋىمەن وتكەن “قازاقستان – رەسەي – فينليانديا” اۆتوشەرۋىنە قاتىسقان جەرگىلىكتى “Sport ءRacىng Club” كلۋبىنىڭ مۇشەلەرى 9000 شاقىرىم جەردى ءجۇرىپ, كەلىپ جەتتى.
ولار اۆتوشەرۋ بارىسىندا استانا – يۋۆيازكيۋليا – استانا جانە كەرى باعىتتا جول ءجۇرىپ, ساياحاتتىڭ سوڭعى نۇكتەسى فينليانديادا وتكەن WRC الەمدىك رالليىندە بولدى. وعان قازاقستاندىق ارمان سمايىلوۆ قاتىستى.
اۆتوشەرۋدىڭ باستى ماقساتى – ءVىى قىسقى ازيا ويىندارىن ناسيحاتتاۋ, ءىرى حالىقارالىق جارىستاردى كاسىبي ۇيىمداستىرۋشىلاردىڭ تاجىريبەسىن زەرتتەۋ بولدى. مۇندا ولار راللي ۇيىمداستىرۋعا ەرىكتىلەردى تارتۋ تاجىريبەسىن ۇيرەنىپ, سەباستيان وجە, پەتتەر سولبەرگ, ياري ماتي لاتۆالا سياقتى بەلگىلى جارىس يەلەرىمەن كەزدەستى.
ەستەرىڭىزگە سالا كەتسەك, ويىن الاۋى ەلوردا بويىنشا ەسىل وزەنىنىڭ ايدىنىنان ءوتۋ اياسىندا 2011 جىلدىڭ 30 قاڭتارىندا راللي ءوتىپ, ونداعى جەڭىمپاز ءوز اۆتوكولىگىندە ازيادا الاۋىن الىپ ءوتۋ قۇقىعىنا يە بولادى.
اۆتوشەرۋ 19 شىلدەدە استانا قالاسىندا ءVىى قىسقى ازيا ويىندارىنىڭ اشىلۋىنا قالعان كۇندى ەسەپتەيتىن ستەللادان باستالعان بولاتىن. ءسويتىپ, استانادان اۆتوشەرۋگە قاتىسۋشىلار ەستافەتا ديرەكتسياسىمەن بىرىگىپ, قازاقستاننىڭ سولتۇستىك وڭىرلەرىن ءجۇرىپ ءوتتى. ودان ءارى كوماندا ءبولىنىپ, اۆتوشەرۋ فينلياندياعا باعىت السا, ء“Mىtsubىshى” كولونناسى ازيا ويىندارى الاۋىنىڭ باعىتى بويىنشا العا جىلجىدى. الاۋ ەستافەتاسىنىڭ رەسمي سەرىكتەسىنىڭ اۆتوكولىكتەرىندە ەلدى ارالاي وتىرىپ, ديرەكتسيا قىزمەتكەرلەرى قازاقستاننىڭ بارلىق وڭىرلەرىندە بەلگىلەمەلىك جينالىستار وتكىزدى. جوبانىڭ تۇساۋكەسەر راسىمدەرى الاۋدى الىپ جۇرۋشىلەردى ىرىكتەۋگە ارنالعان سەمينارلارمەن بىرگە جۇرگىزىلدى.
ال كەرى جولدا قازاق ەلىندە “نۇر وتان” پارتياسىنىڭ وڭىرلىك فيليالدارى ۇيىمداستىرعان كەزدەسۋلەردە اۆتوشەرۋگە قاتىسۋشىلار الداعى ازيادا تۋرالى ءوز پىكىرلەرىن ورتاعا سالىپ, اۆتو جانە موتوكلۋبتاردىڭ وكىلدەرىمەن, سولتۇستىك قازاقستان جانە اقمولا وبلىستارىنىڭ جاستار بىرلەستىكتەرىمەن تاجىريبە الماستى.
داستان كەنجالين.