4 تامىزدا قازاقستان رەسپۋبليكاسىنىڭ پرەمەر-ءمينيسترى كارىم ءماسىموۆ ساۋد ارابياسى كورولدىگىنىڭ قازاقستان رەسپۋبليكاسىنداعى توتەنشە جانە وكىلەتتى ەلشىسى حيشام زاراامەن كەزدەستى, دەپ حابارلادى پرەمەر-ءمينيستردىڭ ءباسپاسوز قىزمەتى.
پرەمەر-مينيستر ديپلوماتيالىق ميسسياسىنىڭ مەرزىمى اياقتالىپ كەلە جاتقان ەلشىگە ەكى ەل اراسىنداعى ساۋدا-ەكونوميكالىق قارىم-قاتىناستاردى دامىتۋعا قوسقان ۇلەسى ءۇشىن العىسىن ءبىلدىردى.
ءوز كەزەگىندە ح.زاراا ەكى جاقتى قارىم-قاتىناستاردى دامىتۋ ىسىندە كورسەتكەن كومەگى ءۇشىن قازاقستان باسشىلىعىنا ءوزىنىڭ ريزاشىلىق سەزىمىن جەتكىزدى.
كەزدەسۋ قورىتىندىسىندا تاراپتار قازاقستان مەن ساۋد ارابياسى كورولدىگى اراسىنداعى قىزمەتتەستىكتىڭ ودان ءارى دە ىرعاقتى دامي بەرەتىنىنە وزدەرىنىڭ سەنىمدى ەكەندىكتەرىن ءبىلدىردى.