ەلدىكتى مۇرات تۇتقان «ەگەمەن قازاقستان» گازەتىنىڭ بەلدى قىزمەتكەرى, باس رەداكتوردىڭ ورىنباسارى, قارىمدى قالامگەر سەيفوللا شايىنعازىنى اسقارالى 60 جاسقا تولعانىمەن قوستاناي وبلىسىنىڭ اكىمى نۇرالى سادۋاقاسوۆ ءوزىنىڭ جانە ءوڭىر حالقىنىڭ اتىنان قۇتتىقتادى. قۇتتىقتاۋدى وبلىستىق ءماسليحاتتىڭ حاتشىسى سايلاۋبەك ەسجانوۆ گازەت ۇجىمىنا كەلىپ, ۇلكەن قۇرمەتپەن جەتكىزدى.وسىعان وراي وتكەن مەرەيلى شارادا «ەگەمەن قازاقستان» رەسپۋبليكالىق گازەتى» اق پرەزيدەنتى ساۋىتبەك ابدراحمانوۆ قوستاناي وبلىسىنىڭ اكىمىنە ريزاشىلىعىن ءبىلدىردى, سەيفوللا شايىنعازىنىڭ قازاق جۋرناليستيكاسىنىڭ قارا شاڭىراعىنداعى جەمىستى ەڭبەگىنە توقتالىپ, الداعى شىعارماشىلىعىنا تابىس تىلەدى.
قوستاناي حالقى مەن اكىمىنىڭ جىلى ءىلتيپاتىن جەتكىزگەن سايلاۋبەك ەرعازى ۇلى ۇجىم الدىندا قۇتتىقتاۋ حاتىن وقىپ بەردى. وندا قالامگەردىڭ ەل الدىندا اتقارعان قىزمەتتەرى ايتىلا كەلىپ: «باي تاجىريبەڭىز, جان-جاقتى بىلىمدىلىگىڭىز, تاماشا ىسكەرلىك قاسيەتتەرىڭىز ءسىزدى لايىقتى ابىروي-بەدەل مەن قۇرمەتكە بولەدى. ءناتيجەسىندە, كوپ جىلعى جەمىستى ەڭبەگىڭىز بىرقاتار ناگرادالارمەن اتاپ ءوتىلدى, ال ەڭ باستىسى, جەرلەستەرىڭىز ءسىزدى شىن ءجۇرەكتەن قۇتتىقتايدى», دەلىنگەن.
ءوز كەزەگىندە وبلىستىق ءماسليحات حاتشىسى قالامگەردىڭ قوستاناي, تورعاي وبلىستارىندا اتقارعان قىزمەتتەرى مەن شىعارماشىلىعى جونىندە اڭگىمەلەپ, «جولايرىق», «كوڭىل كوكجيەگى», «دۇنيە داۋرەن» سىندى بىرقاتار جيناقتارى جونىندە جىلى پىكىرىن ءبىلدىردى.
نۇرباي ەلمۇراتوۆ,
«ەگەمەن قازاقستان».