«استانادا ءۇش جىلدا ءبىر وتەتىن الەمدىك جانە ءداستۇرلى دىندەر كوشباسشىلارىنىڭ سەزى ءارتۇرلى مادەنيەت پەن دىندەرى بار حالىقتار مەن ەلدەردىڭ اراسىن جاقىنداستىراتىن ايرىقشا كوپىرگە اينالىپ وتىر», – دەپ مالىمدەدى بىرىككەن اراب امىرلىكتەرىنىڭ يسلام جانە ۋاقىپ ىستەرى جونىندەگى باس اگەنتتىگىنىڭ توراعاسى دوكتور مۇحاممەد ماتار ساليم ءال-كاگبي قازاقستاننىڭ ءابۋ دابيدەگى ەلشىسى قايرات لاما شارىپپەن كەزدەسۋى بارىسىندا.
مۇحاممەد ءال-كاگبي قازاقستان رەسپۋبليكاسى پارلامەنتى سەناتىنىڭ توراعاسى – سەزد حاتشىلىعىنىڭ باسشىسى قاسىم-جومارت توقاەۆتىڭ الداعى 10-11 ماۋسىمدا استانادا وتەتىن الەمدىك جانە ءداستۇرلى دىندەر كوشباسشىلارىنىڭ V سەزىنە قاتىسۋعا شاقىرۋىن زور ريزاشىلىقپەن قابىل الدى.
ول قازاقستان ءوزىنىڭ وزىق ءۇلگىسىمەن بارشا الەمگە كونفەسسيالار اراسىندا تاتۋلىق پەن كەلىسىم ورناتۋ مۇمكىن ەكەندىگىن كورسەتە بىلۋدە, دەپ اتاپ ءوتىپ, امىرلىكتەردىڭ قازاقستان پرەزيدەنتى ن.ءا.نازارباەۆتىڭ يسلامنىڭ شىنايى رۋحاني-مادەني قۇندىلىقتارىن دامىتۋ مەن ساقتاپ قالۋعا باعىتتالعان كۇش-جىگەرىن ءاردايىم قولدايتىندىعىن قۋاتتادى.
«ەگەمەن-اقپارات».