ەلباسى توڭىرەگىنە توپتاسايىق

قازاقستاندىقتار كەزەكتەن تىس پرەزيدەنتتىك سايلاۋدىڭ ءمان-ماعىناسىن وسىلاي باعالاۋدا

*پرەزيدەنت پوشتاسىنان – دەيدى مەملەكەت باسشىسىنىڭ سايلاۋعا ءتۇسۋىن قالايتىنىن ايتىپ حات جازعان قازاقستاندىقتار پرەزيدەنت سايلاۋىن وتكىزۋ تۋرالى شەشىمگە قولداۋ بىلدىرگەن جانە نۇرسۇلتان نازارباەۆتىڭ كانديداتۋراسى ۇسىنىلۋىن وتىنگەن حاتتار مەن جەدەلحاتتار ءالى دە كوپتەپ كەلىپ جاتىر, دەپ حابارلادى پرەزيدەنتتىڭ ءباسپاسوز قىزمەتى. مەملەكەت باسشىسىنىڭ اتىنا ەڭبەك ۇجىمدارىنان, بەلگىلى سپورتشىلاردان, دەنساۋلىق ساقتاۋ سالاسى قىزمەتكەرلەرىنەن, سونداي-اق, ەلدىڭ ءتۇرلى وڭىرىندەگى تۇرعىنداردان نۇرسۇلتان نازارباەۆتىڭ الداعى پرەزيدەنتتىك سايلاۋعا قاتىسۋىن وتىنگەن حاتتار لەگى ءالى جالعاسۋدا. «كەنتاۋ ترانسفورماتور زاۋىتى» اق مەن «Alageum Electric» ەلەكتروتەحنيكالىق حولدينگىنىڭ ەڭبەك ۇجىمى پرەزيدەنتتىك سايلاۋ­دى وتكىزۋ تۋرالى شەشىمگە ءبىراۋىزدان قولداۋ بىلدىرگەن جانە مەملەكەت باسشىسىنىڭ سايلاۋعا قاتىسۋىن وتىنگەن. «نۇرسۇلتان نازارباەۆقا سەنىم مانداتى ەلدى جۇيەلى دامىتۋ مەن وركەندەتۋ ءۇشىن جوسپارلانعان بارلىق اۋقىمدى شارالاردى جۇزەگە اسىرۋعا مۇمكىندىك بەرەدى», – دەلىنگەن حاتتا. «تاۋ-كەن ءوندىرۋ جانە تاۋ-كەن مەتاللۋرگيالىق كاسىپورىنداردىڭ رەسپۋبليكالىق قاۋىمداستىعى» زتب جۇمىسكەرلەرى قازاقستان تاۋەلسىزدىك جىلدارى پرەزيدەنتتىڭ كورەگەن ساياساتى ارقىلى وتپەلى كەزەڭدەگى قالىپتاسۋدىڭ بارلىق قيىندىقتارىن ەڭسەرگەنىن, ەتنوس­ارالىق كەلىسىمدى ساقتاعانىن جانە حالىقارالىق ارەنادا لايىقتى ورىن يەلەنگەنىن اتاپ وتكەن. «ءسىز ەڭبەك جولىڭىزدى قارا­عاندى مەتاللۋرگيالىق كومبيناتىندا باستاۋ ارقىلى قازاقستاننىڭ تاۋ-كەن مەتاللۋرگيالىق سالاسىن قالىپتاستىرۋدىڭ باستاۋىندا تۇردىڭىز. قاۋىمداستىقتىڭ جانە بارلىق مۇشە-كاسىپورىنداردىڭ اتىنان ءسىزدىڭ كانديداتۋراڭىزدىڭ ۇسىنىلۋىن سۇرايمىز, ويتكەنى, ءبىز ءسىزدى ەلىمىزدىڭ لايىقتى كوش­باسشىسى سانايمىز», – دەپ جازادى اۆتورلار. باتىس قازاقستان وبلىسى كا­سىپكەرلەر پالاتاسىنىڭ وكىلدەرى ەلگە مەملەكەتتىڭ قارقىندى دامۋىن قوعامداعى تاتۋلىق پەن كەلىسىمدى ساقتاي وتىرىپ قامتاماسىز ەتۋگە قابىلەتتى دانا باسشى كەرەك ەكەنىن اتاپ وتكەن. «ءبىزدىڭ اسپانىمىز اشىق, الاڭ­سىز جۇمىس ىستەيمىز, بيزنەستى دامىتىپ, بالالارىمىزدى وسىرۋدەمىز. بولاشاققا جوسپار قۇرا الامىز. بۇل – تاۋەلسىز قازاقستاننىڭ ءسىز­دىڭ باسشىلىعىڭىزبەن جەتكەن ەڭ باستى جەتىستىگى. ءسىزدىڭ ىلگە­رىشىل باسشى رەتىندەگى كوپجىل­دىق تاجىريبەڭىز ەلدىڭ ءارى قاراي وركەندەۋىنىڭ, تۇراقتىلىق پەن حالىق بىرلىگىن ساقتاۋدىڭ كەپى­لى. وسىعان بايلانىستى سىزدەن قازاقستان رەسپۋبليكاسى پرەزي­دەنتىن الداعى سايلاۋدا كاندي­داتۋراڭىزدىڭ ۇسىنىلۋىن سۇ­رايمىز», – دەلىنگەن حاتتا. «پرەمەرا» تۇرعىن ءۇي-قۇ­رى­لىس كووپەراتيۆىنىڭ ۇجىمى ءوز اتىنان جانە الماتى قالاسىنىڭ ناۋرىزباي اۋدانىنىڭ تۇرعىندارى اتىنان پرەزيدەنتكە ءوتىنىش جولداپ, ەلباسى كانديداتۋراسىنىڭ ال­داعى سايلاۋدا ۇسىنىلۋىن سۇرايدى. «قازىر ءسىزدىڭ ارقاڭىزدا قازاق­ستاندىقتاردىڭ ەرتەڭگى كۇنگە دەگەن سەنىمى مەن ءسىزدىڭ باعدارىڭىز دۇرىس ەكەنىن سەزىنۋ بار. تاۋەلسىز مەملەكەتىمىزدى قالىپتاستىرۋداعى ءسىز قابىلداعان شارالاردىڭ بار­لىعى حالىقتىڭ مۇڭ-مۇقتاجىن جاق­سى بىلەتىنىڭىزدى كورسەتەدى. قۋات­تى كوشباسشىنىڭ ارقاسىندا عانا قازاقستان حالىقارالىق ارە­نا­دا بەدەلگە جانە الەمدىك دەرجا­ۆالاردىڭ قۇرمەتىنە يە بولدى. ءبىز ءسىز سەكىلدى اداممەن ءبىر ۋاقىت­تا ءومىر ءسۇرىپ جاتقانىمىزعا ماق­تانامىز», – دەپ جازادى اۆتورلار. قىزىلوردا وبلىسى قارماقشى اۋدانىنان «تۇرماعامبەت» جشس ۇجىمى مەملەكەت كاسىپكەرلەرگە قولداۋ كورسەتىپ وتىرعانىن ايرىق­شا اتاپ وتكەن. «ءسىز جاريالاعان «نۇرلى جول» باعدارلاماسى ەلدىڭ ءال-اۋقاتىن كوتەرۋ ءۇشىن جاسالعان ماڭىزدى قا­دام ەكەنىنە سەنىمدىمىز. ءبىز تاۋەل­سىز قازاقستاندى سىزبەن بىرگە نىعايت­قىمىز كەلەدى», – دەلىنگەن حاتتا. «Isker Company» جشس ەڭبەك ۇجىمى پرەزيدەنتتىڭ كوپەتنوستى قازاقستان حالقىنىڭ بىرلىگىن نى­عايتۋعا باعىتتالعان قىزمەتىن تولىق قولدايتىنىن ايتقان. «ءبىز سىزگە سەنەمىز, سونداي-اق, وركەندەۋ, تاتۋلىق جانە جالپى­ادامزاتتىق قۇندىلىقتار سالتانات قۇراتىن جولدى تاڭداي­مىز. قاۋىپسىزدىك جانە قازاقستان­دىقتاردىڭ ءال-اۋقاتىن جاقسارتۋ رەسپۋبليكامىزدى دامىتۋدىڭ باسىمدى باعىتتارى بولىپ سانالادى. سوندىقتان, ءسىزدىڭ سايلاۋعا ءتۇسۋىڭىزدى سۇرايمىز. سىزبەن بىرگە قازاقستان مىندەتتە تۇردە تابىسقا جەتەدى جانە الەمنىڭ ەكونوميكالىق تۇرعىدان ەڭ دامىعان 30 ەلىنىڭ قاتارىنا كىرەدى», – دەپ جازادى اۆتورلار. قاسكەلەڭ قالاسىنداعى «حام­لە كومپانيا لتد.» جشس جۇمىس­كەرلەرى مەملەكەت باسشىسىنىڭ جۇمساعان كۇش-جىگەرىنىڭ ارقاسىندا ەلدە قولايلى ينۆەستيتسيالىق احۋال قالىپتاسقانىن ايتادى. «قازاقستاننىڭ جارقىن بولا­شاققا قاجەتتى زور الەۋەتى بار, سول سەبەپتى دە ءبىز پرەزيدەنتتىك ساي­لاۋدىڭ وتكەنىن قولدايمىز جانە ناق ءسىزدىڭ كانديداتۋراڭىزدىڭ ۇسىنىلعانىن قالايمىز», – دە­لىنگەن حاتتا. «الماتىكiتاپ باسپاسى» جشس جۇمىسكەرلەرى نۇرسۇلتان نازار­باەۆتىڭ كورەگەن ساياساتىنىڭ ارقاسىندا قازاقستان بۇرىنعى كەڭەستىك كەڭىستىكتە ەكونوميكالىق دامۋداعى كوشباسشى عانا ەمەس, الەمدىك ارەناداعى سالماقتى ساياسي ويىنشىعا دا اينالعانىن اتاپ وتكەن. «ءبىز الەمنىڭ باسەكەگە قابىلەتتى 50 ەلىنىڭ قاتارىنا كىرگەن ءوز ەلىمىزدى ماقتان تۇتامىز. ءسىزدىڭ باسشىلىعىڭىزبەن قازاقستان الەمنىڭ دامىعان 30 ەلىنىڭ دە قاتارىنا كىرەتىنىنە سەنىمدىمىز. قازاقستاننىڭ بولاشاعى ءۇشىن, بالالارىمىز مەن نەمەرەلەرىمىزدىڭ بولاشاعى ءۇشىن الداعى سايلاۋدا ءسىزدىڭ كانديداتۋراڭىزدىڭ ۇسىنىلۋىن سۇرايمىز. ءبىزدىڭ ۇجىم ءسىز قابىلداعان شەشىمدى قولدايدى», – دەپ جازادى اۆتورلار. «بن-ا» جشس كوپۇلتتى ۇجى­مى قازىر بارلىق ادامي رەسۋرستاردى «نۇرلى جول» جولداۋىندا قويىلعان ماقساتتارعا جەتۋ ءۇشىن جۇمىلدىرۋ كەرەكتىگىنە توقتالعان. «ءبىزدىڭ كاسىپورىننىڭ جۇمىس­شىلارى الداعى پرەزيدەنتتىك سايلاۋ قوعامدى ۇيىستىرىپ, جۇرەكتەرىمىزگە ەرتەڭگى كۇنگە دەگەن سەنىم ۇيالاتاتىنىنا بەك سەنىمدى. ءبىز قۋاتتى ءارى بىرەگەي قازاقستاندى تاڭدايمىز», – دەلىنگەن حاتتا. «قازاقستان رەسپۋبليكاسىنىڭ ۇلتتىق ينجەنەرلىك اكادەمياسى» رەسپۋبليكالىق قوعامدىق بىرلەستىگىنىڭ مۇشەلەرى ۋاقىت تالابىنان تۋىنداعان پرەزيدەنتتىك سايلاۋ وتكىزۋ تۋرالى شەشىمدى تولىعىمەن قولدايتىنىن ايتادى. «مەملەكەت باسشىسى اي­قىنداعان جولدىڭ دۇرىستىعىن سەزىنە وتىرىپ, ءبىز تۇڭعىش پرەزيدەنتىمىز عانا ەلدى الداعى قيىندىقتاردان ابىرويمەن الىپ وتەتىنىنە سەنىمدىمىز. سىزدەن ءوز كانديداتۋراڭىزدىڭ الداعى سايلاۋ­دا ۇسىنىلۋىن سۇرايمىز», – دەپ جازادى اۆتورلار. «اسار» رەسپۋبليكالىق قو­عامدىق بىرلەستىگىنىڭ وكىلدەرى دە مەملەكەت باسشىسىنىڭ ساياساتىنا قولداۋ بىلدىرەدى جانە ونىڭ سايلاۋعا تۇسكەنىن قالايدى. «مۇگەدەكتەر جانە الەۋمەتتىك بەيىمدەلۋ قوعامى» قوعامدىق بىرلەستىگىنىڭ مۇشەلەرى مەملەكەت باسشىسىنا مۇمكىندىگى شەكتەۋلى جاندارعا كورسەتىلىپ وتىرعان قولداۋ شارالارى ءۇشىن العىس ايتقان جانە ەلباسىنىڭ باسشى­لىعىمەن قازاقستان حالقى بارلىق ماقساتتارىنا جەتە الاتىنىن اتاپ وتكەن. «سىزدەن سايلاۋعا ءتۇسۋىڭىزدى سۇرايمىز. ءبىزدىڭ ارقايسىمىز سىزگە داۋىس بەرەتىن بولامىز», – دەلىنگەن حاتتا. «كومەك» ارداگەرلەر كەڭەسى» قوعامدىق بىرلەستىگىنىڭ وكىلدەرى نۇرسۇلتان نازارباەۆقا ارداگەرلەرگە ۇدايى كوڭىل ءبولىپ, قام­قورلىق تانىتىپ وتىرعانى ءۇشىن العىس ءبىلدىرىپ, ەلباسىن ەل پرە­زي­دەنتى لاۋازىمىنا ۇمىتكەرلەر قاتا­رىنان كورگىسى كەلەتىندەرىن ايتقان. «تاۋەلسىز قازاقستان مەن ونىڭ حالقىنىڭ يگىلىگى ءۇشىن ىستەپ جاتقان قاجىرلى ەڭبەگىڭىزدى ءبارى بىلەدى. ءسىز ەل تاريحىنىڭ جانە جاڭا استا­ناسىنىڭ جاڭا بەتىن اشتىڭىز. رەس­پۋبليكامىزدا تاتۋلىق پەن كەلى­سىم بولسىن, حالقىمىزدىڭ يگى­لىگى ارتا بەرسىن. ال ونىڭ كەپىلى – ءسىز. ءبىز ەلىمىزگە, قارتتىعىمىزعا الاڭ­دا­ماي­مىز. الداعى ۋاقىتتا دا سولاي بولا بەرسىن», – دەپ جازادى اۆتورلار. ءوز تىلەكتەرىن ءبىلىم بەرۋ سالاسى قىزمەتكەرلەرى دە جولدادى. ءما­سەلەن, ا.مىرزاحمەتوۆ اتىنداعى كوكشەتاۋ ۋنيۆەرسيتەتىنىڭ پرو­فەسسورلىق-وقىتۋشىلار ۇجى­مى مەن ستۋدەنتتەرى ەل پرەزيدەنتى سايلاۋىن وتكىزۋ ستراتەگيالىق باعدارلامالاردى تابىستى ىسكە اسىرۋعا سەپتىگىن تيگىزەتىنىنە نازار اۋدارعان. قىزىلوردا قالاسىنداعى «بولاشاق» ۋنيۆەرسيتەتىنىڭ وقى­تۋ­شىلارى مەن ستۋدەنت جاس­تارى مەملەكەت باسشىسىنىڭ باسشىلىعىمەن ەلىمىز الەمدىك ەكونوميكاداعى كۇردەلى جاعدايعا بايلانىستى قيىندىقتاردى تابىستى ەڭسەرەتىنىن ايتادى. وسىعان وراي اۆتورلار نۇرسۇلتان نازارباەۆتىڭ كانديداتۋراسى الداعى پرەزيدەنتتىك سايلاۋدا ۇسىنىلسا دەگەن ءوتىنىشىن جەتكىزگەن. قاسكەلەڭ گۋمانيتارلىق-تەح­نيكالىق كوللەدجىنىڭ ۇجى­مى مەملەكەت باسشىسىنا «قازاقستان-2050» ستراتەگياسىن جانە «ماڭگىلىك ەل» يدەياسىن جۇزەگە اسىرۋ ءۇشىن سەنىم مانداتىن بەرۋ قاجەت دەپ سانايدى. «ءبىز – تۇراقتىلىق پەن ءوسىپ-وركەندەۋ, وسكەلەڭ ۇرپاقتىڭ الاڭسىز بولاشاعى جاعىندامىز. ءبىز ءۇشىن ءسىز سياقتى ەلباسىنىڭ باسشىلىعىندا بولۋ مارتەبە بولىپ سانالادى. سوندىقتان ءبىز سىزدەن پرەزيدەنتتىك سايلاۋعا قا­تى­سۋىڭىزدى وتىنەمىز», – دەلىنگەن حاتتا. ي.ابدىكارىموۆ اتىنداعى قى­زىلوردا اگرارلىق-تەحنيكالىق كوللەدجىنىڭ پەداگوگيكالىق ۇجى­مى دا پرەزيدەنت سايلاۋىن وتكىزۋ تۋرالى شەشىمدى قولدايتىنىن مالىمدەپ, وعان نۇرسۇلتان نا­زارباەۆتىڭ قاتىسۋى جونىندە ءوتىنىش ايتادى جانە ول ءۇشىن ءوز داۋ­ىس­تارىن بەرۋگە ءازىر ەكەندىگىن بىلدىرەدى. الماتى وبلىسى قاراساي اۋ­دا­نىنىڭ ءتۇرلى مەكتەپتەرىنىڭ مۇعالىمدەرى مەن وقۋشىلارى مەم­لەكەت باسشىسىنىڭ تاۋەلسىزدىك جىلدارى قازاقستاننىڭ دامۋىنا, ونىڭ حالقىنىڭ ءال-اۋقاتىن ارتتىرۋعا قوسقان ۇلەسىن اتاپ وتكەن. اۆتورلار نۇرسۇلتان نازار­باەۆتىڭ پرەزيدەنتتىك سايلاۋعا قاتىسۋىن ءوتىنىپتى. الماتى وبلىسى قاراساي اۋدا­نىنىڭ مەديتسينا قىزمەتكەرلەرى دە كوشباسشىنىڭ باسشىلىعىمەن ەلىمىز دامۋ جولىندا باتىل قادام باسىپ كەلە جاتقانىن ايتادى. «پرەزيدەنت سايلاۋىن وتكىزۋدى ءبىراۋىزدان قولداي وتىرىپ, سىزدەن حالىقتىڭ كەڭ قولداۋىنا يە كوشباسشى رەتىندە وعان قاتىسۋدى وتىنەمىز», – دەپ جازادى اۆتورلار. مادەنيەت سالاسى وكىلدەرى دە ءوز حاتتارىن جولدادى. اتاپ ايتقاندا, ورىس حالىق ءانى تەاترىنىڭ كوركەمدىك جەتەكشىسى م.گرانوۆا مەملەكەت باسشىسىمەن بىرگە ەلىمىز بارلىق قيىندىقتى ەڭسەرە الاتىنىنا سەنىمىن بىلدىرگەن. «ءبىزدىڭ ارقايسىمىز شىن ءجۇ­رەگىمىزبەن ءسىزدى قولدايمىز, دا­نالىق ءۇشىن, ەلىمىزدەگى بەي­بىتشىلىك پەن كەلىسىم ءۇشىن العىس ايتامىز. مەملەكەتىمىزدىڭ باسىندا ءسىزدى عانا ەلەستەتە الامىز, سوندىقتان الداعى سايلاۋعا قاتىسۋىڭىزدى وتىنەمىز», – دەلىنگەن حاتتا. ن.بەكەجانوۆ اتىنداعى قىزىل­وردا وبلىستىق قازاق مۋزىكالىق-درامالىق تەاترىنىڭ ۇجىمى مەملەكەت باسشىسى ۇستانىپ وتىر­عان باعىتتى قولدايتىندارى تۋرالى مالىمدەيدى. الماتى قالاسىنان كومپوزيتور ب.جۇمانيازوۆ پەن كينوتانۋشى گ.كوبەك, قىزىلوردا قالاسىنان قا­زاقستان رەسپۋبليكاسىنىڭ ەڭ­بەك سىڭىرگەن قايراتكەرى ە.ءۋايىس مەملەكەت باسشىسىنا قول­داۋ لەبىزدەرىن ايتىپ, وعان قازاق­ستان­نىڭ جان-جاقتى دامۋىنا باعىت­تالعان كۇش-جىگەرى ءۇشىن ريزا­شىلىق بىلدىرەدى. قاراعاندى قالاسىنداعى «شاحتەر» كلۋبى فۋتبولشىلا­رى نۇرسۇلتان نازارباەۆتى ال­داعى سايلاۋدا ءوز كانديداتۋراسىن ۇسىنۋعا شاقىرا وتىرىپ, مەم­لەكەت باسشىسىنىڭ ارقاسىندا قازاقستان ەگەمەندىك الۋدان قازىرگى زاماننىڭ جاھاندىق ماسەلەلەرىن شەشۋگە دەيىنگى بايىپتى جولدان وتكەنىن ايتقان. «ءسىزدىڭ ەسىمىڭىزبەن وتانى­مىزدىڭ تاۋەلسىزدىگى تۇعىرىنىڭ نىعايۋىنداعى ەڭ جارقىن جايتتار بايلانىستى. ءبىز سىزبەن بىرگە عانا قازاقستان العا قارىشتاي ىلگەرىلەپ, كوزدەلگەن بارلىق ماقساتقا جەتەتىنىنە سەنىمدىمىز. ءسىز تىكەلەي قاتىسقان جاعدايدا عانا ەلىمىز جەدەل قارقىنمەن العا قويىلعان ماقساتتارعا قاراي جىلجي الادى. قازاقستان حالقى سىزگە سەنەدى», – دەپ جازادى اۆتورلار. مەملەكەت باسشىسىنىڭ ءبىر توپ سىنىپتاسى «نۇرلى جول» باعدارلاماسىنىڭ ءتيىمدى ىسكە اسىرىلۋى تەك نۇرسۇلتان نازارباەۆتىڭ تىكەلەي باسشىلىعىمەن عانا مۇمكىن ەكەنىنە سەنىم بىلدىرگەن. «وسىعان بايلانىستى سىزدەن الداعى سايلاۋعا ءتۇسۋدى وتىنەمىز. ەل كوشباسشىسى رەتىندە سىزبەن بىرگە ءبىز الەمدەگى دامىعان 30 مەملەكەتتىڭ قاتارىنا قوسىلا الامىز دەپ سەنەمىز», – دەلىنگەن حاتتا. قاراعاندى وبلىسى اباي قالاسىنىڭ ءبىر توپ تۇرعىنى ەل پرەزيدەنتىنىڭ الداعى سايلاۋىنىڭ تاعدىرشەشتى ماڭىزىنا توقتالىپ وتكەن. «قازاقستاندىقتاردىڭ سان مىڭ­داعان حاتىنا ءبىز دە ءوز ءۇنى­مىزدى قوسقىمىز كەلەدى. سىزدەن وسى سايلاۋعا مىندەتتى تۇردە قاتى­سۋىڭىزدى سۇرايمىز. ءبىز 2015 جىلعا تۇراقتىلىق سەزىمىمەن, بىرلەسە اتقارۋ قاجەت زور مىندەت­تەردى سەزىنە وتىرىپ قادام باس­تىق. ءبىز پرەزيدەنت سايلاۋىندا ءبىرتۇتاس وتباسى رەتىندە بوي كور­سەتىپ, سىزبەن بىرگە قۋاتتى, قارىش­تى, زاماناۋي مەملەكەت قۇرۋ جو­لىندا ەڭبەك ەتۋگە, ورتاق تاعدىر جولىندا ءومىر ءسۇرىپ, ورتاق بولاشا­عىمىزدى ءوز قولىمىزبەن جاساۋ­عا ءازىرمىز. ءسىزدىڭ ەسىمىڭىزبەن ءبىز قازاقستاننىڭ گۇلدەنۋىن بايلانىستىرامىز. ءبىزدىڭ داۋسىمىز بەن جۇرەگىمىز سىزبەن بىرگە», – دەپ جازادى اۆتورلار. الماتى وبلىسى قاراساي اۋ­دا­نىنداعى ۇلى وتان سوعىسىنىڭ ارداگەرى ءۇ.تاستانبەك ۇلى قازاق­ستاننىڭ گۇلدەنۋىنە باعىتتالعان شارالاردىڭ تابىستى جالعاسۋى ءۇشىن نۇرسۇلتان نازارباەۆتىڭ الداعى پرەزيدەنت سايلاۋىنا قا­تىسۋىنىڭ ماڭىزدىلىعىن ايتادى. الماتى وبلىسى ۇشقوڭىر اۋى­لىندا تۇراتىن ۇلى وتان سوعى­سىنىڭ ارداگەرى ۆ.شۋستوۆ ەلى­مىزدەگى بەيبىتشىلىك پەن وركەندەۋ قازاقستان پرەزيدەنتىنىڭ ەڭبەگى ەكەنىن اتاپ وتكەن. «مەن ءوز اۋىلىمنىڭ كونەكوز تۇرعىنى رەتىندە الداعى سايلاۋدان ءسىزدىڭ كانديداتۋراڭىزدى كورەمىن جانە قولدايمىن. ءسىز لايىقتى ادامسىز. كوزدەلگەن ماقساتتاردى ىسكە اسىرۋ وڭاي شارۋا ەمەس. بار­لىق ءىستى اياعىنا دەيىن ءسىز عانا جەت­كىزە الادى دەپ ەسەپتەيمىن», – دەلىنگەن حاتتا. اقتوبە قالاسىنىڭ تۇرعىنى, ەڭبەك ارداگەرى ل.چيچاەۆا مەملەكەت باسشىسىنىڭ قىسقا مەرزىمدە ءوز ەڭبەگى جانە سىندارلى ساياساتى ارقىلى قازاقستاندى بەرەكەلى جانە بۇكىل الەمگە بەلگىلى ەلگە اينالدىرا العانىن اتاپ وتكەن. «ءسىز عانا قازاقستاندى ءوسىپ-وركەندەگەن ەل, ال حالىقتى باقىتتى ەتە الاسىز. ءسىز – جاھاندىق جانە ءبارىن قامتيتىن يدەيالاردىڭ ەل يگىلىگى جولىندا كۇنى-ءتۇنى جۇمىس ىستەيتىن ەڭ قۋاتتى گەنەراتورىسىز», – دەپ جازادى اۆتور. قىزىلوردا قالاسىنداعى «سىر مەديا» جشس باس ديرەكتورى ا.وڭعارباەۆ ءوڭىردىڭ جۋرناليستەر قوعامداستىعى اتىنان مەملەكەت باسشىسى توڭىرەگىنە توپتاسۋعا ءازىر ەكەندىكتەرىن بىلدىرە كەلىپ, ونى پرەزيدەنت سايلاۋىنا ءوز كانديداتۋراسىن ۇسىنۋعا شاقىرادى. جامبىل وبلىسى اقب ۇلىم اۋىلىنىڭ تۇرعىنى س.توقباەۆ اۋىل تۇرعىندارىنىڭ تابىستارى تۋرالى ايتا كەلىپ, مەملەكەت باسشىسىنىڭ باستامالارىن ناقتى ىسپەن قولداۋعا دايىن ەكەنىن اتاپ كورسەتكەن. پرەزيدەنتتىك سايلاۋ وتكىزۋ تۋرالى شەشىمدى قولداعان اۆتورلار مەملەكەت باسشىسىن سايلاۋعا تۇسۋگە شاقىرعان. تالدىقورعان قالاسىنىڭ تۇر­عىنى ت. بايبۇقاشەۆا قالاداعى بار­لىق انالاردىڭ اتىنان پرەزي­دەنتتىك سايلاۋ وتكىزۋ تۋرالى شە­شىمدى قولدايتىنىن جانە سايلاۋعا نۇرسۇلتان نازارباەۆ قاتىسادى دەپ ۇمىتتەنەتىنىن جەتكىزگەن. ەكىباستۇز قالاسىنىڭ تۇرعىنى م.كاريموۆ مەملەكەت باسشىسىنىڭ پرەزيدەنتتىك سايلاۋعا قاتىسۋى ماڭىزدى ەكەنىن اتاي وتىرىپ, ءوز داۋىسىن نۇرسۇلتان نازارباەۆقا بەرۋگە دايىن ەكەنىن مالىمدەگەن. الماتى وبلىسىنىڭ قا­راساي اۋدانىنىڭ تۇرعىنى ا.بەك­­باەۆا, استانا قالاسىنان ە.ءامىر­­عاليەۆ, كوكشەتاۋ قالاسى­نان ە.قۇرمانعالي ۇلى ەل ەكونو­ميكاسىنىڭ وسىمىنەن, حالىقتىڭ ءال-اۋقاتىنىڭ ارتۋىنان بايقالىپ وتىرعان جەتىستىكتەرگە توقتالعان. وسىعان بايلانىستى اۆتورلار مەملەكەت باسشىسى پرەزيدەنت سايلاۋىنا قاتىسۋى ءتيىس دەپ سانايتىندارىن ايتقان. كوكشەتاۋ قالاسىنداعى №1 ورتا مەكتەپتىڭ 8-سىنىپ وقۋشىسى ت.باپحوەۆا مەملەكەت باسشىسىنىڭ كانديداتۋراسى ۇسىنىلۋىن ءوتىنىپ, حات جازعان. «مەن پرەزيدەنتتىك سايلاۋدا داۋىس بەرۋگە ءالى قاتىسا المايمىن, بىراق قازاقستاندا تىنىشتىق پەن تۇراقتىلىق بولعانىن قالايمىن. ءسىز باسقارعان قازاقستان عانا بۇدان ءارى دە تابىسقا جەتىپ, وركەندەي الادى. ەلدەگى تاتۋلىق پەن باق-بەرەكەنىڭ كەپىلى ءسىز عانا بولا الاسىز», – دەلىنگەن حاتتا. قازاقستان رەسپۋبليكاسى پرە­زيدەنتىنىڭ كەزەكتەن تىس سايلاۋىن تاعايىنداۋعا بايلانىستى كەلىپ جاتقان حاتتار لەگى جالعاسۋدا.