الماتى. 25 تامىز. ەكىنشى دۇنيەجۇزىلىك سوعىستىڭ اياقتالۋىنىڭ 70 جىلدىعىنا وراي – 3 قىركۇيەكتە بەيجىڭدە وتەتىن اسكەري شەرۋگە 17 ەلدەن 1000 اسكەر قاتىسادى. بۇل تۋرالى سينحۋا حابارلادى.
ەلدىڭ باس الاڭىندا ساراپشىلارعا اسكەري پارادتىڭ سوڭعى دايىندىقتارى كورسەتىلدى. سالتانات كۇنى بارلىعى 10 000 جاۋىنگەر, 500 اۋىر تەحنيكا, 200 اسكەري ۇشاق قىتاي حالىق رەسپۋبليكاسىنىڭ اسكەري قۋاتىن بايقاتاتىن بولادى.
سونداي-اق, اسكەري سالتاناتتى شەرۋدە قىتايلىق جاۋىنگەرلەرمەن بىرگە باس الاڭنان رەسەي مەن قازاقستاننىڭ, موڭعوليانىڭ اسكەرلەرى ساپ تۇزەپ وتەدى.
شەرۋ وتەتىن تيانانمەن الاڭىنداعى حالىق باتىرلارىنىڭ ەسكەرتكىشى جانىنا ۇلى قىتاي قورعانىنىڭ كوشىرمەسى تۇرعىزىلدى. ول ءۇشىن ەلدىڭ ەڭ تانىمال ديزاينەرلەرى جۇمىس ىستەدى. قوناقتار جايعاساتىن مىنبە دە دايىن, ءاربىر قوناق ءۇشىن ورىندىق جانىنان ءبىر قۇتى سۋ مەن جاڭبىردان قورعايتىن سىرت كيىم ءىلىنىپ قويىلدى. قۇلپىرىپ حوش ءيىستى جۇپار شاشقان 3000-نان استام گۇل شوقتارى الاڭعا ءار بەرەدى.
الاڭنىڭ قاق ورتاسىنا بيىكتىگى ون مەترلىك ۇلكەن تەلەەكران قويىلدى.
تالعات ءسۇيىنباي.
دەرەك, سۋرەت: سينحۋا.