قازاقستاندا 2026 جىلعى 1 ساۋىردەگى جاعداي بويىنشا استىق جانە بۇرشاق داقىلدارىنىڭ قورى 13,3 ميلليون توننا دەڭگەيىندە قالىپتاسىپ وتىر, دەپ حابارلايدى Egemen.kz.
ۇلتتىق ستاتيستيكا بيۋروسىنىڭ مالىمەتىنشە, ەلدەگى بيداي قورى 10,8 ميلليون توننا بولسا, ونىڭ 9,2 ميلليون تونناسى – ازىق-ت ۇلىك بيدايى. سونىمەن قاتار ارپا – 1,4 ميلليون توننا, كۇرىش – 177 مىڭ توننا, جۇگەرى – 104 مىڭ توننا, س ۇلى – 157 مىڭ توننا, قاراقۇمىق – 53 مىڭ توننا, تارى – 19 مىڭ تونناعا جۋىق, ال قارا بيداي كولەمى شامامەن 11 مىڭ توننانى قۇرايدى.
وڭىرلەر بولىنىسىندە استىقتىڭ ەڭ ءىرى قورى اقمولا وبلىسىندا – 4 ميلليون توننا. ودان كەيىن قوستاناي وبلىسى – 3,4 ميلليون توننا جانە سولتۇستىك قازاقستان وبلىسى – 3,3 ميلليون توننا كورسەتكىشپەن ورنالاسقان.
قازاقستان تاجىكستانعا بيداي ەكسپورتىن 1,3 ميلليون تونناعا دەيىن ارتتىرماق
جىل باسىنداعى سىرتقى ساۋدا دەرەكتەرىنە سايكەس, بيداي ەكسپورتى 957 مىڭ توننا بولسا, يمپورت 82 مىڭ توننانى قۇراعان. ارپا ەكسپورتى – 134 مىڭ توننا, يمپورت – 7,5 مىڭ توننا. كۇرىش ەكسپورتى 11 مىڭ توننا, جۇگەرى – 16 مىڭ توننا, س ۇلى – 250 توننا كولەمىندە تىركەلگەن.
تۇركىستان وبلىسىندا بيداي وڭدەيتىن زاۋىت ىسكە قوسىلدى
ساراپشىلاردىڭ باعالاۋىنشا, قور قۇرىلىمىندا نەگىزگى ۇلەستى بيداي الادى جانە ونىڭ باسىم بولىگى ەكسپورتقا باعىتتالعان ازىق-ت ۇلىك ءونىمى سانالادى.
نۇربولات امانبەك