استانا. 25 تامىز. مەملەكەت باسشىسىنىڭ قاتىسۋىمەن وتەتىن الداعى ءىس-شارالار اڭداتپاسى بەلگىلى بولدى. بۇل تۋرالى akorda.kz حابارلادى.
26 تامىزدا پاكستان يسلام رەسپۋبليكاسىنىڭ پرەمەر-ءمينيسترى ناۆاز شاريف قازاقستانعا رەسمي ساپارمەن كەلەدى. ساپار بارىسىندا ەكىجاقتى كەلىسسوزدەر ءوتىپ, بىرقاتار قۇجاتقا قول قويىلماق.
27 تامىزدا نۇرسۇلتان نازارباەۆتىڭ تمد ەلدەرى مەن شىۇ-عا مۇشە مەملەكەتتەردىڭ باس پروكۋرورلارىمەن كەزدەسۋى جوسپارلانعان. قازاقستان پرەزيدەنتى سونداي-اق وسى كۇنى ماگاتە باس ديرەكتورى يۋ.امانونى جانە اقش-تىڭ بۇرىنعى سەناتورى س.نانندى قابىلدايدى.
ال 28 تامىزدا ەلباسى قازاقستانعا رەسمي ساپارمەن كەلەتىن سەربيا پرەزيدەنتى توميسلاۆ نيكوليچپەن كەزدەسەدى. سونىمەن قاتار, وسى كۇنى مەملەكەت باسشىسىنىڭ ەل كونستيتۋتسياسىنىڭ 20 جىلدىعىنا ارنالعان حالىقارالىق كونفەرەنتسياعا قاتىسۋى جوسپارلانۋدا.
ايدار ورىسباەۆ.
دەرەك, سۋرەت: akorda.kz.