«ءبىر شاڭىراق استىندا» ەتنواۋىلدا اسسامبلەيا سەسسياسى مەن فورۋم ءوتتى

كەندى التايدا قازاق­­­ستان حالقى اسسام­بلەيا­سىنىڭ 20 جىلدىق مەرەيتويىنىڭ اياسىندا «ءبىر شاڭىراق استىندا» اتتى ەتنوفورۋم ءوتتى. اتالعان شارادا ءوڭىر باسشىسى دانيال احمەتوۆ 11 دوستىق ءۇيىنىڭ جەتەكشىلەرىن قوعامداعى تۇراقتىلىق پەن ۇلتارالىق كەلىسىمدى نىعايتۋعا, ۇلتتىق-مادەني شىعارماشىلىقتى دامىتۋعا قوسقان زور ۇلەسى ءۇشىن ماراپاتتادى.

ەلىمىزدەگى بىرەگەي كەشەندەردىڭ ءبىرى سانالاتىن ەتنواۋىلداعى اقشاڭقان كيىز ۇيدە دوستىق پەيىلدىڭ جارقىن ۇلگىسىمەن وتكەن جيىنعا قاتىسۋشىلار ەلباسىنىڭ اسسامبلەيانىڭ ءححىى سەسسياسىندا جۇكتەگەن تاپسىرمالارى مەن مىندەتتەرىن تالقىلادى. فورۋم شەڭبەرىندەگى وڭىرلىك اسسامبلەيانىڭ ءححىى سەسسياسىنا قحا مۇشەلەرى, ەتنومادەني بىرلەستىكتەر جەتەكشىلەرى, دوستىق ۇيلەرىنىڭ ديرەكتورلارى, ارداگەرلەر, مەملەكەتتىك قۇرىلىم باسشىلارى جانە جاستار قاتىستى. وبلىس اكىمى سەسسيا جۇمىسىندا پرەزيدەنت جۇكتەگەن مىندەتتەردىڭ ۇدەسىنەن شىعۋ قاجەتتىگىن جانە 26 ساۋىردە وتكەن سايلاۋدىڭ ەل ىنتىماعى مەن بىرلىگىن تاعى ءبىر ايشىقتاعانىن اتاپ ءوتتى. – پرەزيدەنتتىك سايلاۋعا شى­عىس قازاقستان وبلىسىنداعى داۋىس بەرۋ قۇقىعى بار تۇرعىن­داردىڭ 97,57 پايىزى قاتىسىپ, ولاردىڭ 98,37 پايىزى داۋىسىن ەلباسى نۇرسۇلتان نازارباەۆقا بەردى. بۇل – ءوڭىر حالقىنىڭ سايا­سي بەلسەندىلىگىن, مەملەكەت باسشى­سىنىڭ جۇرگىزىپ وتىرعان ساياسي باعدارىنا قولداۋ ءبىلدى­رە­تىندىك­تەرىن بايقاتادى. قازاقستان حال­قى اسسامبلەياسى قوعامدىق كەلى­سىم مودەلىن قالىپتاستىرۋدا اۋقىم­­­دى جۇمىس اتقاردى. قازىرگى كەزدە ەتنومادەني بىرلەستىكتەردىڭ الەۋە­تىن ودان ءارى بەكىتە تۇسۋگە باسىم­دىق بەرىلىپ وتىر. وسى ورايدا اياگوز, زايسان, كوكپەكتى, ءۇر­جار اۋدان­­دارىندا دوستىق ۇيلە­رىن اشۋ جوس­پارلانعان, – دەدى د.احمەتوۆ. ايتا كەتۋ كەرەك, وڭىردە ەلى­مىزدەگى العاشقى دوستىق ءۇيى اشىلىپ, «بەيبىتشىلىك پەن كەلىسىمنىڭ جول كارتاسى», «دوستىق كەرۋەنى» سىندى اۋقىمدى جوبالار تۇڭعىش رەت جۇزەگە اسىرىلعان بولاتىن. سوڭعى بەس جىلدىڭ كولەمىندە وبلىستا تاتۋلىقتى تۋ ەتكەن 2286 وڭىرلىك جانە حالىقارالىق ءىس-شارا ءوتىپ, وعان 220 مىڭنان استام ادام قاتىستى, 7 مىڭنان استام ادامعا 9,2 ميلليون تەڭگەنىڭ قايىرىمدىلىق كومەگى كورسەتىلدى. سونىمەن بىرگە, بيىل وبلىس ارداگەرلەرىنە 900 ميلليون تەڭگە كولەمىندە قارجىلاي الەۋمەتتىك كومەك كورسەتىلمەك. – تۇراقتىلىق, بەيبىتشىلىك پەن كەلىسىمدە تۇرىپ جاتقان قا­زاقستاندىق قوعامنىڭ بىرەگەي قۇرىلىسىنا از كۇش-قۋات جۇم­سالعان جوق. اسسامبلەيا قايى­رىمدىلىق اكتسيالارى مەن شارا­لاردىڭ ورتالىعىنا اينالدى, دەدى وبلىستىق قحا حاتشىلىعىنىڭ مەڭگەرۋشىسى ەركىمبەك ايازباەۆ. شەكارالىق ىنتىماقتاستىق شەڭبەرىندەگى ءىس-شارالار اۋقىمى جىل ساناپ كەڭەيىپ كەلەدى. ماسەلەن, بىلتىر رەسەيدەگى التاي ولكەسىنىڭ ءبىر­قاتار ەلدى مەكەندەرىن سۋ باسقان كەزدە بورودۋليحا, بەسقاراعاي, شەمونايحا جانە زىريان اۋداندارى كورشى وڭىرگە 7 ميلليون تەڭگەنىڭ گۋمانيتارلىق كومەگىن جونەلتتى. «20 ىزگى ءىس» اكتسياسى دا بەلسەندى اتقارىلۋدا. 27 اقپاننان بەرى وبلىستا 490 ءىس-شارا قولعا الىنىپ, 7600 مۇقتاج جانعا 5,4 ميلليون تەڭگەنىڭ جاردەمى جاسالدى. وڭىردەگى قحا عىلىمي-ساراپتامالىق توبىنىڭ ءتورايىمى, د.سەرىكباەۆ اتىنداعى شقمتۋ-دىڭ كافەدرا مەڭگەرۋشىسى نەللي كراسنوباەۆانىڭ ايتۋىنشا, بۇگىندە 3 جوعارى وقۋ ورنىندا اسسامبلەيا كافەدرالارى جۇمىس ىستەيدى. جۋىردا بارناۋلداعى التاي ۋنيۆەرسيتەتىندە ءبىلىم الىپ جۇرگەن 500 شىعىسقازاقستاندىق ستۋدەنتتىڭ اراسىندا «قازاقستان تاريحىنان» وليمپيادا ۇيىم­­داستىرىلدى. سونداي-اق, «قوعام­دىق كەلىسىمنىڭ قازاقستاندىق مو­دەلى» اتتى وقۋ جوسپارى ءازىر­لەنىپ, ەلىمىزدىڭ بارلىق وقۋ ورىن­د­ارىنا ەنگىزۋ ماسەلەسى قاراستىرىلۋدا. سەسسيا سوڭىندا ەتنومادەني ۇيىمداردىڭ مۇشەلەرى ۇندەۋ قابىلدادى. بۇل قۇجاتتا: «سەسسيا قاتىسۋشىلارى ەلباسىنىڭ «ءماڭ­­­گىلىك ەل» يدەياسىن, «نۇرلى جول» جاڭا ەكونوميكالىق سايا­ساتىن جانە بەس ينستيتۋتتىق رەفور­ماسىن قولدايدى. ەلىمىزدىڭ تابىس­تارى كوپۇلتتى قازاقستان حالقى دوستىعىنىڭ ناتيجەسى. قازاق­ستان­دىقتار وزدەرىنىڭ بىرەگەي دامۋ جو­لىن تاڭدادى. ءبىزدىڭ ءبىر­لىگىمىز – «ءماڭ­گىلىك ەل» يدەياسىن ىسكە اسىرۋ­دىڭ باستى فاكتورى, دەلىنگەن. سونداي-اق, ەتنواۋىلدىڭ جاز­عى ساحناسىندا ەتنومادەني ءبىر­لەستىكتەردىڭ شىعارماشىلىق ۇجىمدارىنىڭ مەرەكەلىك كون­تسەرتى ءوتتى. ساحنا تورىندەگى ەكراننان «ءبىر وتان, ءبىر تاعدىر, ءبىر جەر» اتتى بەينەبايان كورسەتىلىپ, جاستار ونداعان ەتنوستىڭ تىلىندە سالەمدەستى جانە كوك اسپانعا بەيبىت­شىلىك قۇسى – اق كوگەرشىن­دەر ۇشىرىلدى. كەش بارىسىندا «زلاتو», «ۆايناح», «سۆيتوچ», «ينۆەيدەرس» جانە «الاۋ» سياق­تى ونەر ۇجىمدارى كورەرمەن ىقىلاسىنا بولەندى. فورۋم قازاقستان حالقى اسسامبلەياسىنىڭ 20 جىلدىعىنا ارنالعان كوپتەگەن ءىس-شارالارمەن جالعاسادى. دۋمان اناش, «ەگەمەن قازاقستان». وسكەمەن.