يران ورمۇز بۇعازى ارقىلى كوممەرتسيالىق كەمەلەردىڭ وتۋىنە شەكتەۋدى الىپ تاستادى. بۇل تۋرالى ەلدىڭ سىرتقى ىستەر ءمينيسترى ابباس اراكچي X الەۋمەتتىك جەلىسىندە حابارلادى, دەپ جازادى Egemen.kz.
ونىڭ ايتۋىنشا, ليۆاندا اتىستى ۋاقىتشا توقتاتۋ رەجيمى كۇشىنە ەنگەننەن كەيىن بارلىق ساۋدا كەمەلەرىنە بۇعازدان وتۋگە رۇقسات بەرىلگەن. كەمەلەر ەندى يراننىڭ تەڭىز ۇيىمى بەكىتكەن مارشرۋت بويىنشا ەركىن قوزعالا الادى.
ليۆان مەن يزرايل جاقىندا 10 كۇندىك اتىستى توقتاتۋ جونىندە كەلىسىمگە كەلگەن. بۇل تۋرالى اقش پرەزيدەنتى دونالد ترامپ مالىمدەگەن.
اقش پەن يران اراسىنداعى سوعىس سالدارى: ساۋد ارابياسىنىڭ مۇناي ەكسپورتى 50%-عا تومەندەدى
بۇعان دەيىن اقش تاراپى يرانعا قاتىستى شەكتەۋلەر ەنگىزىپ, ورمۋز بۇعازى ارقىلى وتەتىن كەمەلەرگە باقىلاۋ كۇشەيتىلەتىنىن ەسكەرتكەن ەدى. ءتىپتى كەيبىر مالىمدەمەلەردە اسكەري فلوت كەمەلەردى توقتاتۋى مۇمكىن ەكەنى ايتىلعان.
جاعدايدىڭ وزگەرۋىنەن كەيىن اقش پرەزيدەنتى يراننىڭ شەشىمىن قۇپتاپ, الەۋمەتتىك جەلىدە العىس بىلدىرگەنى حابارلاندى.