استانا. 30 ماۋسىم. ليبەريا مەملەكەتىنىڭ دەنساۋلىق ساقتاۋ مينيسترلىگى سوڭعى ءبىر جارىم ايدا گەمورراگيالىق ەبولا بەزگەگىنىڭ العاشقى دەرەگىن تىركەدى. ۆيرۋستان قازا بولعان 17 جاستاعى جاسوسپىرىمنەن جۇقپالى ىندەت تابىلعان. بۇل تۋرالى 24today.net حابارلادى.
ۆەدومستۆا باسشىسىنىڭ ورىنباسارى تولبەرت نەنسۆتىڭ سوزىنە قاراعاندا, قازىرگى تاڭدا دارىگەرلەر بەزگەك دەرتىنەن كوز جۇمعان مارقۇمنىڭ ءومىرىنىڭ سوڭعى كۇندەرى قاي جەرلەردە بولعانىن انىقتاۋعا تىرىسۋدا. ليبەريا حالقىن ساق بولۋعا شاقىرعان تولبەرت نەنسۆ دۇرلىگۋگە ەش سەبەپ جوق ەكەنىن دە اتاپ ءوتتى.
كورشى ەكى مەملەكەت – گۆينەيا مەن سەررا-لەونەدە ەبولا دەرتىن جۇقتىرعاندار سانىنىڭ ارتقانى بايقالادى. ىندەتتىڭ ءورشۋى باتىس افريكادا جاۋىن-شاشىن ماۋسىمىنىڭ باستالۋىمەن قاتار كەلىپ وتىر.
دۇنيەجۇزىلىك دەنساۋلىق ساقتاۋ ۇيىمىنىڭ مالىمەتتەرىنە سۇيەنسەك, گەمورراگيالىق بەزگەك ىندەتىنىڭ تارالۋ تاريحىندا ەڭ كوپ قۇرباندار سانى 11 مىڭ ادامنان اسقان.
ەلامان قوڭىر.
دەرەك, سۋرەت: 24today.net.