پەتروپاۆل. 2 ناۋرىز. سولتۇستىك قازاقستان وبلىستىق سوتىنىڭ توراعاسى مۇراتعالي اكەتاي پرەزيدەنتتىڭ 2015 جىلدىڭ 18 اقپانىنداعى جارلىعىمەن تاعايىندالعان سوت توراعالارى مەن سۋديالاردى ۇجىمعا تانىستىردى. شاراعا قالا اكىمى مارات تاسماعانبەتوۆ قاتىستى. بۇل تۋرالى وبلىستىق سوتتىڭ ءباسپاسوز قىزمەتى حابارلادى.
قىلمىستىق ىستەر بويىنشا مامانداندىرىلعان اۋدانارالىق سوتتىڭ توراعاسى قىزمەتىن سەرگەي ۆيكتورەنكو اتقارادى. ول بۇعان دەيىن شال اقىن اۋدانىندا سۋديا بولىپ ىستەگەن. پەتروپاۆل قالالىق №2 سوتىنىڭ ءتورايىمى بولىپ دينارا بايزاكوۆا تاعايىندالدى. ول وسىندا كوپ جىل سۋديا مىندەتىن اتقارىپ كەلگەن.
ال كۇلنار ءماسىموۆا, گۇلنار شايكەنوۆا, اراي ءابىلماجىنوۆا, يرينا ەسىرگەپوۆا مامليۋت, اققايىڭ اۋداندىق, پەتروپاۆل قالاسى №2 سوتىنىڭ سۋديالارى قىزمەتىنە كىرىستى.
مۇراتعالي ابرار ۇلى جاڭا تاعايىندالعان سوت توراعالارى مەن سۋديالارعا تابىس تىلەي وتىرىپ, كونستيتۋتسياعا جانە زاڭنامالارعا سايكەس ءادىل شەشىم قابىلداۋ بۇلجىماس مىندەت بولىپ تابىلاتىنىن اتاپ كورسەتتى.
ءومىر ەسقالي.
دەرەك, سۋرەت: سولتۇستىك قازاقستان وبلىستىق سوتىنىڭ ءباسپاسوز ورتالىعى.