سەنات توراعاسى, الەمدىك جانە ءداستۇرلى دىندەر ليدەرلەرى سەزى حاتشىلىعىنىڭ باسشىسى قاسىم-جومارت توقاەۆ سەنات اپپاراتى, سىرتقى ىستەر مينيسترلىگى مەن مادەنيەت جانە سپورت مينيسترلىگى, مادەنيەتتەر جانە دىندەردىڭ حالىقارالىق ورتالىعى وكىلدەرىنىڭ قاتىسۋىمەن وتىرىس وتكىزدى.
بەيبىتشىلىك پەن قاۋىپسىزدىك ماسەلەلەرى جونىندەگى ۇنقاتىسۋدى دامىتۋعا ارنالعان ءدىني فورۋمنىڭ زور ماڭىزىن اتاپ وتە كەلىپ, ق.توقاەۆ مەملەكەت باسشىسى نۇرسۇلتان نازارباەۆتىڭ باستامالارىن ساپالى تۇردە ىسكە اسىرۋ قاجەتتىگىنە نازار اۋداردى. توراعا شەتەلدىك ءدىني جانە ساياسي قايراتكەرلەردىڭ سەزدە ايتقان ۇسىنىستارى مەن يدەيالارىنا تالداۋ جاساۋعا تاپسىرما بەردى.
جاۋاپتى مەملەكەتتىك ورگاندارعا بۇۇ, ەقىۇ, يىۇ جانە باسقا دا حالىقارالىق ۇيىمدارعا V سەزد دەكلاراتسياسىن تاراتۋ, سونداي-اق, استاناداعى ءدىنارالىق ۇنقاتىسۋدىڭ ماڭىزىن جۇيەلى تۇردە ءتۇسىندىرۋ تاپسىرىلدى. ق.توقاەۆ سەزدىڭ بۇۇ ءوركەنيەتتەر اليانسى مەن باسقا دا ۇنقاتىسۋ قۇرىلىمدارىمەن ءوزارا ءىس-قيمىلدى كۇشەيتۋ جايىندا دا ايتتى, دەپ حابارلادى پارلامەنت سەناتىنىڭ ءباسپاسوز قىزمەتى.