قازاقستاندا زەينەتاقى جيناقتارىنىڭ ەڭ تومەنگى جەتكىلىكتىلىك شەگىن ايقىنداۋدىڭ جاڭا ادىستەمەسىن بەكىتۋ تۋرالى ۇكىمەت قاۋلىسى كۇشىنە ەندى, دەپ حابارلايدى Egemen.kz.
زەينەتاقى قورىنان اقشا شەشىپ الۋ قيىنعا سوعادى
قاۋلىعا سايكەس, ەڭ تومەنگى جەتكىلىكتىلىك شەگى ءتيىستى جاس ساناتتارى ءۇشىن وتكەن جىلعى كورسەتكىشتەن تومەن بولماۋعا ءتيىس. بۇل رەتتە ول بولجامدى ينفلياتسيا دەڭگەيىنەن بەس پايىزدىق تارماققا جوعارى قارقىنمەن يندەكستەلەدى.
زەينەتاقى جيناقتارىنان الۋعا بولاتىن قاراجات كولەمى ازايادى, سەبەبى زەينەتاقى شوتىندا ساقتالۋعا ءتيىس ەڭ تومەنگى سوما ۇلعايتىلىپ وتىر. دەگەنمەن تۇرعىن ءۇي جاعدايلارىن جاقسارتۋ جانە ەمدەلۋ اقىسىن تولەۋ ءۇشىن زەينەتاقى جيناقتارىن پايدالانۋ تەتىكتەرى ساقتالادى.
قاۋلىعا سايكەس, بىرىڭعاي جيناقتاۋشى زەينەتاقى قورى جاڭا ادىستەمە كۇشىنە ەنگەن كۇننەن باستاپ ءۇش جۇمىس كۇنى ىشىندە 2026 جىلعا ارنالعان جاڭارتىلعان جەتكىلىكتىلىك شەكتەرىن جاريالاۋى كەرەك.
ەسكە سالايىق, بۇعان دەيىن قاۋلىنىڭ كۇشىنە ەنەتىنى تۋرالى حابارلاعانبىز.