پاۆلودار وبلىسىندا اۋىل ماڭىندا بولعان جول-كولىك وقيعاسى سالدارىنان كامەلەتكە تولماعان ءجاسوسپىرىم كوز جۇمدى. وقيعاعا قاتىستى قىلمىستىق ءىس قوزعالدى, دەپ حابارلايدى Egemen.kz.
الدىن الا مالىمەت بويىنشا, Lada-21214 اۆتوكولىگىنىڭ جۇرگىزۋشىسى كولىكتى باسقارا الماي, جول جيەگىندەگى كيۋۆەتكە اۋدارىلعان. جول اپاتى كەزىندە كولىكتە بولعان كامەلەتكە تولماعان جولاۋشى اۋىر جاراقات الىپ, اۋرۋحاناعا جەتكىزىلگەن. الايدا دارىگەرلەر ونىڭ ءومىرىن ساقتاپ قالا المادى.
اتالعان دەرەك بويىنشا پوليتسيا قىلمىستىق ءىس تىركەپ, سوتقا دەيىنگى تەرگەۋدى باستادى. قازىرگى ۋاقىتتا اۆتوكولىك مامانداندىرىلعان ايىپ تۇراعىنا قويىلعان.
شىعىس قازاقستاندا ۆەلوسيپەدشىلەر توبىن كولىك قاعىپ كەتتى
پاۆلودار وبلىستىق پوليتسيا دەپارتامەنتى جۇرگىزۋشىلەرگە جول قوزعالىسى ەرەجەلەرىن قاتاڭ ساقتاپ, قاۋىپسىزدىك تالاپتارىن نازاردان تىس قالدىرماۋعا شاقىردى.
ەسكە سالا كەتەيىك, بۇعان دەيىن استانا قالاسىندا Toyota RAV4 كولىگىنىڭ جۇرگىزۋشىسى جاياۋ جۇرگىنشىلەر وتكەلىندە ءجاسوسپىرىمدى قاعىپ كەتكەن ەدى. كەيىننەن ەلوردالىق پوليتسەيلەر جول-كولىك وقيعاسىنا كىنالى جۇرگىزۋشىنىڭ انىقتالعانىن حابارلادى.