رەسەي پرەزيدەنتىنىڭ ەلىمىزگە مەملەكەتتىك ساپارى اياسىندا جۇرگىزىلگەن كەلىسسوزدەردەن كەيىن قاسىم-جومارت توقاەۆ پەن ۆلاديمير پۋتين باق وكىلدەرى الدىندا بىرلەسكەن مالىمدەمە جاسادى, دەپ حابارلايدى Egemen.kz.
قاسىم-جومارت توقاەۆ رەسەي پرەزيدەنتىنىڭ مەملەكەتتىك ساپارى تابىستى وتكەنىن جەتكىزىپ, ەكى ەلدىڭ ستراتەگيالىق سەرىكتەستىگى مەن وداقتاستىق قاتىناستارىنىڭ جىلناماسىنا ەنەتىنىنە سەنىم ءبىلدىردى.
«بۇگىنگى قول قويىلعان قۇجاتتار مەن ۋاعدالاستىقتار قازاقستان − رەسەي سەرىكتەستىگىنىڭ سيپاتىنا ساي. ونىڭ ءمانى – ءداستۇرلى دوستىق پەن تاتۋ كورشىلىك قاتىناستاردى بارلىق سالاداعى ورتاق پروگرەسكە ۇمتىلىسپەن ۇشتاستىرۋ. ءسوز سوڭىندا ەكى ەل بايلانىستارىن وربىتۋگە قوسقان تاريحي ۇلەسى ءۇشىن رەسەي فەدەراتسياسىنىڭ پرەزيدەنتى ۆلاديمير پۋتينگە شىنايى ريزاشىلىعىمدى بىلدىرەمىن. ءسىزدىڭ ساپارىڭىزدىڭ قورىتىندىسى سان قىرلى مەملەكەتارالىق ىنتىماقتاستىعىمىز ايرىقشا سيپاتقا يە ەكەنىن تاعى دا راستادى. باۋىرلاس حالىقتارىمىزدىڭ يگىلىگى ءۇشىن بىرگە كۇش جۇمىلدىرىپ, ستراتەگيالىق سەرىكتەستىك پەن وداقتاستىق قاتىناستارىمىزدى نىعايتاتىن جولعا باتىل قادام باسامىز», دەدى قازاقستان پرەزيدەنتى.
رەسەي پرەزيدەنتى بۇگىنگى كەلىسسوزدەردىڭ ىسكەرلىك جانە كونسترۋكتيۆتى سيپاتى ەكى ەلدىڭ دوستىق جانە تاتۋ كورشىلىك قارىم-قاتىناسىنا ساي كەلەتىنىن ايتتى.
ء«بىز ساياسات, ەكونوميكا, مادەني-گۋمانيتارلىق سالالارداعى ەكىجاقتى ىقپالداستىقتىڭ نەگىزگى ماسەلەلەرىن تالقىلادىق. حالىقارالىق كۇن تارتىبىندەگى وزەكتى تاقىرىپتاردى قوزعادىق. قازاقستان − رەسەي بايلانىسىن نىعايتۋدىڭ باسىم مىندەتتەرى بەكىتىلگەن بىرلەسكەن مالىمدەمەگە قول قويدىق. ەنەرگەتيكا, قارجى سەكتورلارىنان باستاپ, دەنساۋلىق ساقتاۋ جانە ءبىلىم بەرۋ سەكىلدى ءتۇرلى سالانى قامتيتىن ماڭىزدى ۇكىمەتارالىق جانە ۆەدومستۆوارالىق قۇجاتتار قابىلداندى. كەلىسسوزدەر بارىسىندا ەكونوميكالىق ىقپالداستىققا باسا نازار اۋدارىلدى. بىلتىر ەكى ەلدىڭ تاۋار اينالىمى شامامەن 29 ميلليارد دوللاردى قۇرادى. 30 ميلليارد دوللارلىق مەجەگە باتىل قادام باسىپ كەلەمىز. تاياۋ ارادا بۇل كورسەتكىشتى دە ەڭسەرەتىنىمىزگە ەش كۇمان جوق. بۇگىنگى ساپار مەن كەلىسسوزدەر حالىقتارىمىزدىڭ يگىلىگى ءۇشىن رەسەي − قازاقستان سان قىرلى ىنتىماقتاستىعىن ودان ءارى نىعايتۋعا سەرپىن بەرەرىنە سەنىمدىمىن», دەدى ۆلاديمير پۋتين.
سونىمەن قاتار, مەملەكەت باسشىسى قازاقستانعا ءتورت امۋر جولبارىسىنىڭ اكەلىنۋىن رەسەي پرەزيدەنتىنىڭ مەملەكەتتىك ساپارى اياسىنداعى ايتۋلى وقيعا دەپ اتادى. ەسكە سالايىق, كەشە رەسەي پرەزيدەنتى ۆلاديمير پۋتين قازاقستانعا مەملەكەتتىك ساپارمەن كەلدى.