قازاقستاندا ستوماتولوگيالىق كلينيكالاردى تەكسەرۋ ناتيجەسىندە 104 مەديتسينالىق مەكەمە ليتسەنزياسىن ءوز ەركىمەن قايتاردى. بۇل تۋرالى مەديتسينالىق جانە فارماتسەۆتيكالىق باقىلاۋ كوميتەتىنىڭ توراعاسى باۋىرجان ءجۇسىپوۆ مالىمدەدى, دەپ حابارلايدى Egemen.kz.
2025 جىلدىڭ جەلتوقسانىندا دەنساۋلىق ساقتاۋ ءمينيسترى اقمارال ءالنازاروۆا ەل بويىنشا ستوماتولوگيالىق كلينيكالاردى تەكسەرۋ باستالعانىن حابارلاعان بولاتىن. بۇعان اتا-انالاردىڭ بالالاردى جالپى ناركوزبەن ەمدەۋگە قاتىستى شاعىمدارى سەبەپ بولعان. قازىرگى ۋاقىتتا تەكسەرىس 500 كلينيكادا جۇرگىزىلگەن.
«104 ستوماتولوگيالىق كلينيكا ليتسەنزياسىن ءوز ەركىمەن قايتاردى. ال 38 كلينيكا بويىنشا ماتەريالدار سوت ورگاندارىنا جولداندى. زاڭ بويىنشا ليتسەنزيا ەكى جاعدايدا قايتارىلادى: مەنشىك يەسىنىڭ شەشىمىمەن نەمەسە سوت شەشىمى ارقىلى», دەدى باۋىرجان ءجۇسىپوۆ.
پاۆلوداردا اۋىل تۇرعىندارىنىڭ ءتىسىن زاڭسىز ەمدەپ جۇرگەن شەتەلدىك انىقتالدى
ايتا كەتەيىك, 2024 جىلدىڭ كۇزىندە استاناداعى جەكەمەنشىك ستوماتولوگيالىق كلينيكالاردىڭ بىرىندە ءۇش جاسار قىز بالا 18 ءتىسىن ەمدەۋ كەزىندە ناركوزدان ويانباي كوز جۇمعان ەدى. مارقۇمنىڭ اكەسىنىڭ ايتۋىنشا, دارىگەرلەر «سەۆوران» پرەپاراتىن قولدانعان.