اتىراۋ قالاسىندا ءبىر وتباسىنىڭ ءتورت ادامىن ولتىرگەن سۇلتان سارسەماليەۆكە قاتىستى سوت پروتسەسى ءوتىپ جاتىر, دەپ حابارلايدى Egemen.kz.
سوت وتىرىسىندا پروكۋرور ناۋرىز مۇقانعاليەۆتىڭ قازاسىنا قاتىستى ايىپتاۋ اكتىسىن وقىدى.
تەرگەۋ مالىمەتتەرىنە سايكەس, ناۋرىز مۇقانعاليەۆ ءبىر جىل بۇرىن اتىراۋ ماڭىنداعى گەولوگ شاعىناۋدانىنداعى جالعا الىنعان ۇيدە قازا تاپقان.
سارسەماليەۆ ءىسى: پروكۋرور قىلمىستىڭ قالاي جاسالعانىن ايتىپ بەردى
سوت ماتەريالدارىندا كورسەتىلگەندەي, جابىرلەنۋشىنىڭ دەنەسى ۇزاق ۋاقىت بويى جەر استىندا بولىپ, قىلمىستان كەيىن 6-8 اي وتكەن سوڭ تابىلعان. ءىس ماتەريالىنا سايكەس ايىپتالۋشى قىلمىس جاساعاننان كەيىن ءمايىتتى جاسىرعان. ول جالعا العان ءۇي اۋلاسىندا شۇڭقىر قازىپ, دەنەنى سول جەرگە كومگەنى كورسەتىلگەن.
الايدا سوت وتىرىسىندا سۇلتان سارسەماليەۆ ءۇش ادامنىڭ قىلمىسىن مويىنداعانىمەن, ناۋرىز مۇقانعاليەۆتىڭ قازاسىنا قاتىستى قىلمىس ەپيزودىنداعى قاساقانا ارەكەتىن جوققا شىعاردى.