بيىل ەلىمىزدە 1 ساۋىردەن باستاپ العاش رەت بالالار ساۋىقتىرۋ ورتالىقتارىنىڭ قىزمەتىن ليتسەنزيالاۋ جۇيەسى ەنگىزىلدى, دەپ حابارلايدى Egemen.kz.
جاڭا باستاما بالالاردىڭ دەمالىسى, وقۋى جانە ساۋىقتىرىلۋى ءۇشىن بىرىڭعاي تالاپتاردى قالىپتاستىرۋعا باعىتتالعان.
ۇيىمدارعا تۇسەتىن اكىمشىلىك جۇكتەمەنى ازايتىپ, قۇجاتتاردى جىل سايىن قايتا راسىمدەۋ قاجەتتىلىگىن بولدىرماۋ ماقساتىندا ليتسەنزيانىڭ قولدانىلۋ مەرزىمى بەس جىل بولىپ بەلگىلەندى. بۇل ۇيىمدار قىزمەتىنىڭ تۇراقتىلىعىن قامتاماسىز ەتىپ, مەملەكەتتىك باقىلاۋدى جۇيەلى جۇرگىزۋگە مۇمكىندىك بەرەدى.
ليتسەنزيالاۋ بالالارعا كورسەتىلەتىن ءبىلىم بەرۋ جانە ساۋىقتىرۋ قىزمەتتەرىنىڭ ساپاسىن ارتتىرۋعا, سونداي-اق قاۋىپسىز ورتا قالىپتاستىرۋعا باعىتتالعان. جاڭا تالاپتارعا سايكەس بالالار ساۋىقتىرۋ ورتالىقتارى ينفراقۇرىلىم, كادرلىق قامتاماسىز ەتۋ, مەديتسينالىق قىزمەت كورسەتۋ جانە قاۋىپسىزدىك باعىتتارى بويىنشا بەلگىلەنگەن ستاندارتتارعا ساي بولۋعا ءتيىس.
ليتسەنزياسى جوق لاگەرلەر جابىلا ما؟
سونىمەن قاتار جاڭا جۇيە تالاپتارعا سايكەس كەلمەيتىن جانە قاۋىپسىزدىك تالاپتارىن ساقتامايتىن بەيرەسمي ۇيىمداردىڭ قىزمەتىن شەكتەۋگە مۇمكىندىك بەرەدى. ناتيجەسىندە قىزمەت ساپاسى ارتىپ, ۇيىمداردىڭ جاۋاپكەرشىلىگى كۇشەيەدى.
بالالار ساۋىقتىرۋ ورتالىقتارىنا قويىلاتىن نەگىزگى ليتسەنزيالىق تالاپتار:
ءبىلىم بەرۋ جانە ساۋىقتىرۋ باعدارلامالارىنىڭ بولۋى; بىلىكتى پەداگوگيكالىق جانە مەديتسينالىق كادرلارمەن قامتاماسىز ەتىلۋى; سانيتارلىق-ەپيدەميولوگيالىق تالاپتاردىڭ ساقتالۋى; قاۋىپسىزدىك جۇيەلەرىنىڭ بولۋى; ماتەريالدىق-تەحنيكالىق بازانىڭ بەلگىلەنگەن ستاندارتتارعا سايكەستىگى.جازعى دەمالىستى ۇيىمداستىرۋ ماقساتىندا وڭىرلەردە اكىمدىكتەر جانىنان ۆەدومستۆوارالىق شتابتار قۇرىلدى. ۆەدومستۆوارالىق كوميسسيالار بالالار ساۋىقتىرۋ ورتالىقتارىنىڭ ماۋسىمعا دايىندىعىنا الدىن الا باعالاۋ جۇرگىزىپ جاتىر. ال وقۋ-اعارتۋ مينيسترلىگىنىڭ ءبىلىم بەرۋ سالاسىنداعى ساپانى قامتاماسىز ەتۋ دەپارتامەنتتەرى بالالار ساۋىقتىرۋ-ءبىلىم بەرۋ ورتالىقتارىنىڭ وتىنىمدەرى نەگىزىندە ليتسەنزيا راسىمدەپ جاتىر.
جامبىل وبلىسىندا وقۋشىلارعا ارنالعان ەكو-لاگەر اشىلۋى مۇمكىن
قابىلدانعان شارالار بالالاردىڭ دەمالىسى مەن ساۋىقتىرىلۋىن قاۋىپسىز ءارى ساپالى ۇيىمداستىرۋعا, سونداي-اق ەلىمىزدە ءبىلىم بەرۋ-ساۋىقتىرۋ قىزمەتتەرىنىڭ بىرىڭعاي ستاندارتىن قالىپتاستىرۋعا مۇمكىندىك بەرەدى.