جاز ايلارىندا ەلىمىزدىڭ بىرقاتار وڭىرلەرىندە قۇرعاقشىلىق بولۋى مۇمكىن. بۇل تۋرالى ۇكىمەت وتىرىسىندا ەكولوگيا جانە تابيعي رەسۋرستار ءمينيسترى ەرلان نىسانباەۆ مالىمدەدى, دەپ حابارلايدى Egemen.kz.
ءمينيستردىڭ ايتۋىنشا, نەگىزگى استىق ەگەتىن وڭىرلەر – قوستاناي, اقمولا, سولتۇستىك قازاقستان, شىعىس قازاقستان جانە باتىس قازاقستان وبلىستارى – توپىراقتىڭ مەترلىك قاباتىندا ىلعال قورى جەتكىلىكتى دەڭگەيدە. ال اقتوبە, پاۆلودار جانە قاراعاندى وبلىستارىندا جاعداي قاناعاتتانارلىق دەپ باعالانىپ وتىر.
«جالپى مامىر ايىندا اۋا رايى ەگىن ەگۋ جۇمىستارىن جۇرگىزۋگە قولايلى بولادى. ورتالىق جانە وڭتۇستىك-باتىس ايماقتاردى قوسپاعاندا, ەلدىڭ كوپ بولىگىندە جاۋىن-شاشىن نورماعا جاقىن بولادى دەپ كۇتىلۋدە. ماۋسىم مەن شىلدە ايىندا ەل اۋماعىنىڭ باسىم بولىگىندە تەمپەراتۋرا نورمادان 1-2 گرادۋسقا جوعارى بولادى دەپ بولجانىپ وتىر», دەدى ە.نىسانباەۆ.
تازا سۋ تاپشىلىعى قاشان جويىلادى؟
ءمينيستردىڭ ايتۋىنشا, شىلدەدە شىعىس وڭىرلەردە جاۋىن-شاشىن كوبەيسە, باتىستا كەرىسىنشە ازايۋى ىقتيمال.
«اقتوبە جانە جامبىل وبلىستارىنىڭ جەكەلەگەن اۋداندارىندا جەرگىلىكتى قۇرعاقشىلىق بەلگىلەرى بايقالۋى ىقتيمال», دەدى مينيستر.
ەسكە سالا كەتەيىك, بۇعان دەيىن سۋ رەسۋرستارى جانە يرريگاتسيا ءمينيسترى نۇرجان نۇرجىگىتوۆ وڭتۇستىك وڭىرلەردە سۋدى پايدالانۋ ليميتتەرى قىسقارعانىن اتاپ وتكەن بولاتىن.
نۇربولات امانبەك