استانادا «AMANAT» پارتياسىنىڭ كاسىپكەرلەر قاناتى ەنەرگەتيكا سالاسىنىڭ وكىلدەرىمەن كەزدەسۋ وتكىزدى. جيىن بارىسىندا تاريف ساياساتىن جەتىلدىرۋدەن باستاپ, ەنەرگەتيكالىق كاسىپورىنداردى كادرمەن قامتاماسىز ەتۋگە دەيىنگى سالانى دامىتۋدىڭ ماڭىزدى ماسەلەلەرى تالقىلاندى, دەپ حابارلايدى Egemen.kz.
تولعاندىرعان ماسەلەلەردى شەشۋ بويىنشا بىرلەسكەن جوسپارلار قۇرىلدى. كەزدەسۋگە ەنەرگەتيكا ءمينيسترى ەرلان اقكەنجەنوۆ, ەكولوگيا جانە تابيعي رەسۋرستار ءمينيسترى ەرلان نىسانباەۆ, سونداي-اق ءماجىلىس دەپۋتاتتارى, سالالىق قاۋىمداستىقتار مەن ەنەرگەتيكالىق كومپانيالاردىڭ باسشىلارى قاتىستى. پارتيانىڭ وڭىرلىك فيليالدارى بەينەكونفەرەنتسبايلانىس ارقىلى قوسىلدى. بۇگىندە ەل اۋماعىندا ەنەرگەتيكا سالاسىندا شامامەن 100 مىڭ ادام ەڭبەك ەتەدى.
«AMANAT» پارتياسى جاڭا جوبانى ىسكە قوستى
ءماجىلىس سپيكەرى, «AMANAT» پارتياسىنىڭ توراعاسى ەرلان قوشانوۆ ەنەرگەتيكا سالاسى مەملەكەتتىڭ ورنىقتى دامۋىندا ستراتەگيالىق ماڭىزعا يە ەكەنىن مالىمدەدى. ول مەملەكەت باسشىسى سالانىڭ سالدارىمەن كۇرەسۋدەن – جۇيەلى جاڭعىرتۋ جۇمىسىنا كوشۋ مىندەتىن قويعانىن ەرەكشە اتاپ ءوتتى. وسى باعىتتا كەشەندى جاڭعىرتۋعا, جاۋاپكەرشىلىكتى كۇشەيتۋگە جانە ۇزاقمەرزىمدى جوسپارلاۋعا بەتبۇرىس جاسالدى. سونىڭ ناتيجەسىندە بۇگىندە مەملەكەت تاراپىنان سالانى رەتتەۋ جۇمىسى جۇيەلى تۇردە جۇرگىزىلىپ, قوردالانعان ماسەلەلەر شەشىمىن تابۋدا. بۇل ىسكە «AMANAT» پارتياسى دا ايرىقشا اتسالىسۋدا.
«بۇگىن ءبىز وسى سالادا سىزدەردى تولعاندىرعان نەگىزگى ماسەلەلەردى قاراستىردىق. ەنەرگەتيكا ءمينيسترى اتاپ وتكەندەي, جاعدايدى رەتتەۋ ماقساتىندا ۇكىمەت تاراپىنان جۇيەلى شارالار قابىلدانۋدا. بۇل ماسەلە مەملەكەت باسشىسىنىڭ تىكەلەي باقىلاۋىندا. ءبىز ساياسي پارتيا رەتىندە جانە سىزدەر كاسىبي قاۋىمداستىق رەتىندە بىرلەسىپ, ءتيىمدى تەپە-تەڭدىك تابۋىمىز كەرەك. سالاعا ينۆەستيتسيا تارتۋ, بولجامدى ەرەجەلەر قالىپتاستىرۋ جانە قارجى قايتارىمىن قامتاماسىز ەتۋ ءۇشىن تۇسىنىكتى جاعداي جاساۋ قاجەت. الايدا ازاماتتاردىڭ مۇددەسى, تاريف ساياساتىنىڭ ادىلدىگى, الەۋمەتتىك تۇراقتىلىق جانە جۇكتەمەنىڭ ارتۋى اۋىرتپاشىلىق ەتەتىن ازاماتتارعا اتاۋلى قولداۋ كورسەتۋ ماسەلەلەرى دە اسا ماڭىزدى. سوندىقتان سىزدەردىڭ تاراپتارىڭىزدان كوتەرىلىپ وتىرعان ماسەلەلەردىڭ شەشىم تابۋى ەندى پارتيامىزدىڭ نازارىندا بولادى», دەدى ەرلان قوشانوۆ.
ءماجىلىس سپيكەرى بۇگىندە ەنەرگەتيكا سالاسىنا قاتىستى مەملەكەتتىك ساياسات جۇيەلى كەزەڭگە كوشكەنىنە نازار اۋداردى. العاش رەت «جىلۋ ەنەرگەتيكاسى تۋرالى» زاڭ قابىلداندى, ەنەرگەتيكا جانە كوممۋنالدىق سەكتورلاردى جاڭعىرتۋعا, سونداي-اق كومىر گەنەراتسياسىن دامىتۋعا باعىتتالعان ۇلتتىق جوبالار جۇزەگە اسىرىلۋدا. ء«تاريفتى ينۆەستيتسياعا ايىرباستاۋ» باعدارلاماسى ىسكە قوسىلدى. تاريفتىك جانە ينۆەستيتسيالىق ساياسات قايتا قارالدى. نىسانداردىڭ تەحنيكالىق جاي-كۇيىن قاداعالاۋ جۇمىسى كۇشەيتىلىپ, جاڭا قۋات كوزدەرى ىسكە قوسىلىپ, جەلىلىك ينفراقۇرىلىم دامۋدا. ناتيجەسىندە تەحنولوگيالىق اقاۋلار سانى ازايىپ, قىزىل ايماقتاعى جەو سانى قىسقاردى.
ەرلان قوشانوۆ «AMANAT» فراكتسياسى دەپۋتاتتارى ەنەرگەتيكا سالاسىن دامىتۋ ىسىنە زاڭنامالىق قولداۋ كورسەتۋ باعىتىندا اۋقىمدى جۇمىس اتقارعانىن ايرىقشا اتاپ ءوتتى. ولار ەنەرگەتيكا سالاسىنداعى جالاقىنى وڭىردەگى ورتاشا سالالىق دەڭگەيمەن بايلانىستىرۋعا زاڭ جۇزىندە باستاماشىلىق ەتتى. سونىڭ ناتيجەسىندە كەيىنگى ەكى جىلدا سالا قىزمەتكەرلەرىنىڭ جالاقىسى 40%-عا ءوستى. بۇگىندە ينۆەستيتسيالىق جوبالارعا قاتىستى راسىمدەردى جەڭىلدەتۋ جانە ەكولوگيالىق كەلىسىم الۋ مەرزىمدەرىن وڭتايلاندىرۋ بويىنشا تۇزەتۋلەر ازىرلەندى. تۇلعالار توبىنا كىرەتىن كومپانيالار ءۇشىن نەگىزگى جابدىقتارعا ينۆەستيتسيالىق كەلىسىمدەر جاساۋ مۇمكىندىگىن ەنگىزۋ ۇسىنىلۋدا. سونداي-اق ەنەرگيامەن جابدىقتاۋشى كومپانيالاردىڭ قىزمەتىن ليتسەنزيالاۋدى ەنگىزۋ جوسپارلانىپ وتىر. بۇل تۇزەتۋلەر كاسىبي قاۋىمداستىقتىڭ سۇرانىسىنا جاۋاپ رەتىندە ازىرلەندى. ولاردى وسى سەسسيا اياقتالعانعا دەيىن قابىلداۋ جوسپارلانۋدا.
كەزدەسۋ بارىسىندا قاتىسۋشىلار سالاداعى وزەكتى ماسەلەلەر بويىنشا پىكىر الماستى. اتاپ ايتقاندا, ۇزاقمەرزىمدى ءارى بولجامدى تاريفتىك ساياساتتى ەنگىزۋ, قۋات كوزدەرى مەن جەلىلەردىڭ ابدەن ەسكىرۋى, ءىرى جۇيەقۇراۋشى ەنەرگەتيكالىق جوبالار ءۇشىن اكىمشىلىك كەدەرگىلەردى ازايتۋ ماسەلەلەرى نازارعا الىندى. سونداي-اق كومىرتەگى كۆوتالارىنىڭ ۇلتتىق جوسپارىن مەملەكەتتىك باعدارلامالار اياسىندا ىسكە قوسىلاتىن ەنەرگەتيكالىق قۋاتتار كولەمىمەن ۇيلەستىرۋ, كادر ماسەلەسى جانە وزگە دە تاقىرىپتار تالقىلاندى.
«Amanat» پارتياسى كاسىپكەرلەر قاناتىن قۇردى
ەنەرگەتيكا ءمينيسترى ەرلان اقكەنجەنوۆ ءوز بايانداماسىندا ءداستۇرلى جانە جاڭارتىلاتىن ەنەرگەتيكانى قاتار دامىتا وتىرىپ, ەنەرگيا كوزدەرىن ارتتىرۋ باعىتىنداعى جۇيەلى شارالارعا توقتالدى. بۇگىندە ەلىمىزدىڭ ەنەرگوجۇيەسىندە 245 قۋات كوزى بار. ونىڭ 166-سى – جاسىل ەنەرگەتيكا نىساندارى. 2035 جىلعا دەيىنگى ەنەرگەتيكا سالاسىن دامىتۋ جوسپارى اياسىندا جۇيەلى جۇمىس جۇرگىزىلۋدە. سوعان سايكەس, قۋاتتى 26 گۆت-تان اسىرۋ كوزدەلىپ وتىر. قازىرگى جوبالاردى جۇيەلى جۇزەگە اسىرۋ قادامى الداعى جىلدارى ەكونوميكانىڭ ەلەكتر ەنەرگياسىنا دەگەن سۇرانىسىن تولىق وتەۋگە جانە تۇراقتى ءپروفيتسيتتى قامتاماسىز ەتۋگە مۇمكىندىك بەرەدى.
سونداي-اق ءىس-شارا بارىسىندا «واەك» اق اكتسيونەرى سەرگەي كان, «قكج» جشس اكتسيونەرى دىنمۇحاممەد ىدىرىسوۆ, «قاراجىرا» اق باسقارما توراعاسى يليار نيزاموۆ, ماەك بپۇ جەتەكشىسى اناتولي جدانوۆ, ەكىباستۇز ماەس-1 بپۇ توراعاسى سەرىك سەريانوۆ, قازاقستان ەلەكتروەنەرگەتيكالىق قاۋىمداستىعىنىڭ باسقارما توراعاسى تالعات تەمىرحانوۆ جانە وزگە دە ازاماتتار ءسوز سويلەدى.
كەزدەسۋ سوڭىندا ەنەرگەتيكالىق كومپانيالاردىڭ بىرقاتار وكىلى «AMANAT» پارتياسىنا قوسىلدى. ولاردىڭ قاتارىندا «KEGOC» اق باسقارما توراعاسى ءنابي ايتجانوۆ, «سامۇرىق-ەنەرگو» اق باسقارما توراعاسى قايرات ماقسۇتوۆ, «قاراعاندى ەنەرگوتسەنتر» جشس باس ديرەكتورى فليۋر گاريپوۆ, «شاردارا سەس» اق باسقارما توراعاسى راشيد ەسحوجين, «گرەس-2» اق باسقارما توراعاسىنىڭ جالپى جانە الەۋمەتتىك ماسەلەلەر جونىندەگى ورىنباسارى گاۋحار نۇعمانوۆا جانە وزگە دە ازاماتتار بار.
سونىمەن قاتار ەنەرگەتيكا سالاسىنىڭ ءبىر توپ وكىلى سالانى جانە ەل ەكونوميكاسىن دامىتۋعا قوسقان ۇلەسى ءۇشىن پارتيانىڭ «بەلسەندى قىزمەتى ءۇشىن» توسبەلگىسىمەن ماراپاتتالدى.