مەملەكەت باسشىسى قاسىم-جومارت توقاەۆ Electricité de France كومپانياسىنىڭ باسقارما توراعاسى جانە باس اتقارۋشى ديرەكتورى بەرنار فونتانانى قابىلدادى, دەپ حابارلايدى Egemen.kz.
اڭگىمەلەسۋ بارىسىندا قازاقستان مەن EDF اراسىنداعى ىنتىماقتاستىقتىڭ قازىرگى جاي-كۇيى مەن دامۋ پەرسپەكتيۆاسى تالقىلاندى. كومپانيا تومەن كومىرتەكتى جانە اتوم ەنەرگەتيكاسى سالاسى بويىنشا الەمدەگى جەتەكشى ۇيىم سانالادى.
مەملەكەت باسشىسىنا ساۋد ارابياسى كورولى مەن تاق مۇراگەرىنەن حات كەلدى
پرەزيدەنت بىرلەسە جۇمىس ىستەۋگە مول مۇمكىندىك بار ەكەنىن اتاپ ءوتىپ, ەلىمىز فرانتسۋز كومپانياسىمەن ءوزارا ىقپالداستىقتى نىعايتۋعا ەرەكشە ءمان بەرەتىنىنە توقتالدى.
EDF باسقارما توراعاسىنىڭ ايتۋىنشا, كومپانيا ورنىقتى جانە زاماناۋي ەنەرگەتيكالىق ينفراقۇرىلىم بويىنشا بايلانىستاردى ودان ءارى جانداندىرۋعا نيەتتى.
پرەزيدەنت دۇنيەجۇزىلىك دەنساۋلىق ساقتاۋ ۇيىمىنىڭ باس ديرەكتورىمەن كەزدەستى
پرەزيدەنت قازاقستان حالىقارالىق سەرىكتەستەرمەن, سونىڭ ىشىندە EDF كومپانياسىمەن اشىق جانە تەڭ دارەجەلى قاعيداتتارعا ساي ءتيىمدى ىنتىماقتاستىق ورناتۋعا دايىن ەكەنىن راستادى.
كەزدەسۋدە ۋران جەتكىزۋ بويىنشا ءوزارا ءىس-قيمىل ماسەلەلەرى قاراستىرىلدى.