استاناداعى كوركەم-3 تۇرعىن ءۇي كەشەنى اۋماعىندا كوپقاباتتى ءۇيدىڭ شاتىرىندا ماس كۇيدە جۇرگەن ەر ادام اكىمشىلىك جاۋاپكەرشىلىككە تارتىلدى, دەپ حابارلايدى Egemen.kz.
قالالىق سوتتىڭ مالىمەتىنشە, ازامات 20 ءساۋىر كۇنى الكوگولدىك ماس كۇيدە ءۇيدىڭ شاتىرىنا شىعىپ كەتكەن. بۇل ارەكەت قوعامدىق ءتارتىپتى بۇزۋ جانە اينالاداعى ادامدارعا قاۋىپ ءتوندىرۋ رەتىندە باعالانعان.
استانادا كوپقاباتتى ءۇيدىڭ شاتىرىنان سەكىرمەك بولعان ءجاسوسپىرىم قۇتقارىلدى
وقيعا ۆيدەوباقىلاۋ جازبالارىمەن دالەلدەنگەن. سوت وتىرىسىندا ول ءوز كىناسىن تولىق مويىنداپ, جاساعان ارەكەتىنە وكىنىش بىلدىرگەن. ول سول كۇنى ماس كۇيدە بولعانىن جانە جەكە جانجال سالدارىنان ەموتسيالىق كۇيدە شەشىم قابىلداعانىن ايتقان.
سوت ءتارتىپ بۇزۋشىنى قازاقستان رەسپۋبليكاسىنىڭ اكىمشىلىك قۇقىقبۇزۋشىلىق تۋرالى كودەكسىنىڭ 434-بابى 1-بولىگى بويىنشا كىنالى دەپ تانىپ, 10 تاۋلىككە اكىمشىلىك قاماۋعا الۋ جازاسىن تاعايىنداعان.
ەسكە سالا كەتەيىك, بۇعان دەيىن ءدال وسى تۇرعىن ءۇي كەشەنىندە ءورت شىعىپ, سالدارىنان ءۇش بالا قازا تاپقان بولاتىن.