استانانىڭ №36 مەكتەبىندە وقۋشىلار اراسىنداعى توبەلەس قوعام نازارىن اۋداردى. ال كەيبىر اتا-انالار مەكتەپ اكىمشىلىگىنىڭ ارەكەتىن سىناپ, مەكتەپ ديرەكتورىنىڭ جۇمىستان كەتۋىن تالاپ ەتتى. بالالاردىڭ قاۋىپسىزدىگى مەن پسيحولوگيالىق احۋالىنا اسەر ەتكەن جاعدايعا اتا-انالار اشىق نارازىلىق ءبىلدىردى, دەپ جازادى Egemen.kz.
جەلىدە تاراعان حابارلامادا اتا-انالار مەكتەپ اكىمشىلىگىنىڭ توبەلەستى تولىق جانە وبەكتيۆتى تەرگەۋدىڭ ورنىنا, جوعارى سىنىپ وقۋشىلارىنىڭ تەلەفوندارىنداعى ۆيدەوجازبالاردى جويۋعا تىرىسقانىن العا تارتتى. ولار بۇل ارەكەتتى باسشىلىقتىڭ جاۋاپسىزدىعى جانە بالالارعا قىسىم كورسەتۋى رەتىندە باعالادى. اتا-انالاردىڭ ايتۋىنشا, وقۋشىلار مەكتەپتە قىسىم كورگەندىكتەن, پسيحولوگيالىق احۋالى ناشارلادى. ولار مەكتەپ ديرەكتورىن ءوز مىندەتىن دۇرىس اتقارماي وتىر دەپ ەسەپتەپ, قىزمەتىنەن بوساتۋدى تالاپ ەتتى.
اقش-تا مەكتەپ ماڭىندا اتىس بولدى: ەكى ادام قازا تاپتى
استانا ءبىلىم باسقارماسىنىڭ حابارلاۋىنشا, توبەلەسكە قاتىسقان وقۋشىلار ىشكى مەكتەپتىك ەسەپكە قويىلىپ, پروفيلاكتيكالىق اڭگىمەلەر جۇرگىزىلگەن, سونداي-اق پسيحولوگپەن جۇمىس ۇيىمداستىرىلعان. ال مەكتەپ باسشىلىعىنا سوگىس جاريالانعان-دى.
سونىمەن قاتار, اتا-انالار كامەلەتكە تولماعانداردى تاربيەلەۋ مىندەتىن دۇرىس ورىنداماعانى ءۇشىن جاۋاپكەرشىلىككە تارتىلدى, ال وسى جاعداي بويىنشا قالالىق پوليتسيا دەپارتامەنتىندە قىلمىستىق ءىس قوزعالدى.
استانادا كوپقاباتتى ءۇيدىڭ شاتىرىنان سەكىرمەك بولعان ءجاسوسپىرىم قۇتقارىلدى