ەلىمىزدە «ەنەرگەتيكالىق جانە كوممۋنالدىق سەكتورلاردى جاڭعىرتۋ» ۇلتتىق جوباسى اياسىندا ەلەكتر جەلىسى ينفراقۇرىلىمىن جاڭارتۋ باعىتىنداعى جۇيەلى جۇمىستاردى جالعاستىرىپ جاتىر. قازىردىڭ وزىندە جاڭعىرتۋ جۇمىستارى ناتيجەسىندە ەلەكتر جەلىلەرىندەگى اپاتتىلىق 13 پايىزعا ازايعان, دەپ حابارلايدى Egemen.kz.
ۆەدومستۆو مالىمەتىنشە, 2025 جىلى 17 مىڭ شاقىرىم ەلەكتر بەرۋ جەلىلەرى مەن 420 قوسالقى ستانتسياعا كۇردەلى جوندەۋ جۇرگىزىلگەن. ناتيجەسىندە ەلەكتر جەلىلەرىنىڭ توزۋ دەڭگەيى 66 پايىزعا دەيىن تومەندەگەن.
ەلەكتر ەنەرگياسى نارىعى ءۇشىن ەلەكتروندى شوت-فاكتۋرا جازىپ بەرۋ مەرزىمى كەيىنگە شەگەرىلدى
2026 جىلى دا اۋقىمدى جوندەۋ جۇمىستارى جوسپارلانعان. جالپى ۇزىندىعى 17 مىڭ شاقىرىم ەلەكتر جەلىلەرىن جاڭارتۋ كوزدەلىپ وتىر. وڭىرلەر بويىنشا جوسپارلانعان كورسەتكىشتەر:
اقمولا وبلىسى – 2,5 مىڭ كم استانا قالاسى – 153 كم اقتوبە وبلىسى – 467 كم الماتى وبلىسى – 351 كم الماتى قالاسى – 264 كم اتىراۋ وبلىسى – 430 كم شىعىس قازاقستان وبلىسى – 756 كم جامبىل وبلىسى – 1,8 مىڭ كم باتىس قازاقستان وبلىسى – 366 كم قاراعاندى وبلىسى – 1,1 مىڭ كم قوستاناي وبلىسى – 731 كم قىزىلوردا وبلىسى – 115 كم ماڭعىستاۋ وبلىسى – 560 كم پاۆلودار وبلىسى – 2,4 مىڭ كم سولتۇستىك قازاقستان وبلىسى – 1,1 مىڭ كم تۇركىستان وبلىسى – 677 كم شىمكەنت قالاسى – 67 كم اباي وبلىسى – 769 كم جەتىسۋ وبلىسى – 422 كم ۇلىتاۋ وبلىسى – 1,8 مىڭ كمسونىمەن قاتار, 444 قوسالقى ستانتسيانى, 3,4 مىڭ تاراتۋ پۋنكتىن جانە ترانسفورماتورلىق قوسالقى ستانتسيالاردى جوندەۋ كوزدەلگەن.
كومىر ەلەكتر ستانتسيالارىنداعى شىعارىندىلار 34 پايىزعا ازايادى
مينيسترلىك اتاپ وتكەندەي, جوسپارلانعان شارالاردى ىسكە اسىرۋ ەلەكتر جەلىلەرىنىڭ ورتاشا توزۋ دەڭگەيىن قوسىمشا 65 پايىزعا دەيىن تومەندەتۋگە, ەلەكترمەن جابدىقتاۋ سەنىمدىلىگىن ارتتىرۋعا جانە ەلدىڭ ەنەرگەتيكالىق جۇيەسىنىڭ تۇراقتىلىعىن نىعايتۋعا مۇمكىندىك بەرەدى.