استانادا LRT جۇيەسى الداعى دەمالىس كۇندەرى, 16-17 مامىردا ىسكە قوسىلادى. بۇل تۋرالى City Transportation Systems باسقارما توراعاسى اسىلبەك دۇيسەباەۆ پرەسس-تۋر بارىسىندا مالىمدەدى, دەپ حابارلايدى Egemen.kz.
جوبانىڭ جالپى ۇزىندىعى 22,4 شاقىرىمدى قۇرايدى. باعىت ەلوردانىڭ نەگىزگى كوشەلەرى مەن ماڭىزدى نىساندارىن قامتيدى. ولاردىڭ قاتارىندا اۋەجاي, قابانباي باتىر داڭعىلى, «استانا جۇلدىزى» ستەللاسى, Mega Silk Way ساۋدا ورتالىعى, بوتانيكالىق باق, Abu-Dhabi Plaza, ۇكىمەت ءۇيى, ارىس كوپىرى, قالداياقوۆ كوشەسى, ۇلتتىق مۋزەي جانە «نۇرلى جول» ۆوكزالى بار.
رەيستەر كۇنىنە تاڭعى 06:00-دەن كەشكى 23:00-گە دەيىن قاتىنايدى.
LRT-دە جول ءجۇرۋ قۇنى 200 تەڭگە بولىپ بەلگىلەندى. تولەمنىڭ بىرنەشە ءتاسىلى قاراستىرىلعان:
FacePay (بەت-الپەت ارقىلى بيومەتريالىق تولەم) LRT كولىك كارتاسى (قۇنى – 1000 تەڭگە) Visa/Mastercard بانكتىك كارتالارى NFC (سمارتفون نەمەسە سمارتساعات ارقىلى) QR-كود ارقىلى ءبىر رەتتىك بيلەت (كاسسا نەمەسە اۆتومات ارقىلى)LRT كولىك كارتاسىنا ءوتىنىم بەرۋ قاشان باستالادى؟
استانا قالاسىندا تىركەلگەن 7-18 جاس ارالىعىنداعى وقۋشىلار مەن جەڭىلدىك ساناتىنداعى ازاماتتار ءۇشىن جول ءجۇرۋ تەگىن بولادى.
جەلىدە 15 پويىز قاتىنايدى, ونىڭ تورتەۋى رەزەرۆتە بولادى. پويىزدار 60 كم/ساع جىلدامدىقپەن قوزعالادى. ءاربىر ءتورت ۆاگوننان تۇراتىن پويىز 600-دەن استام جولاۋشىنى تاسىمالداي الادى.
جوبا قالاداعى قوعامدىق كولىك جۇيەسىن جاڭعىرتىپ, جولاۋشىلار جۇكتەمەسىن ازايتۋعا باعىتتالعان.
نۇربولات امانبەك