بيىل شارۋالار ءۇشىن ديزەل وتىنىنىڭ باعاسى ليترىنە 263 تەڭگە دەڭگەيىندە بەكىتىلدى. الايدا تۇپكىلىكتى باعانى وڭىرلىك وپەراتورلار انىقتايدى, ول ليترىنە 281 تەڭگەنى قۇرايدى. بۇل تۋرالى ۇكىمەت وتىرىسىندا ەنەرگەتيكا ءمينيسترى ەرلان اقكەنجەنوۆ مالىمدەدى دەپ حابارلايدى Egemen.kz.
ءمينيستردىڭ ايتۋىنشا, 2026 جىلعى كوكتەمگى ەگىس جۇمىستارىنا قاجەتتى ديزەل وتىنىن جەتكىزۋ ءۇشىن ەنەرگەتيكا جانە اۋىل شارۋاشىلىعى مينيسترلىكتەرى بىرلەسىپ جوسپار بەكىتكەن. 1 اقپان مەن 30 ماۋسىم ارالىعىنا 402,2 مىڭ توننا ديزەل وتىنىن ءبولۋ كەستەسى قابىلدانعان.
وڭىرلەر ءۇشىن ديزەل وتىنى ورتا ەسەپپەن ليترىنە 281 تەڭگە بولادى. بۇل نارىقتاعى بولشەك باعادان شامامەن 15%-عا تومەن.
«جانارمايدىڭ ماقساتتى پايدالانىلۋىن قامتاماسىز ەتۋ ءۇشىن باقىلاۋ شارالارى كۇشەيتىلگەن. اتاپ ايتقاندا, جەكە پين-كودتار ەنگىزۋ, ديزەل وتىنىن تۇسكە بوياۋ جانە ەلەكتروندىق شوت-فاكتۋرا جۇيەسىندە ارنايى ۆيرتۋالدى قويما قۇرۋ تەتىكتەرى قولدانىلىپ وتىر», دەدى مينيستر.
ەلىمىزدىڭ قاي وڭىرىندە بەنزين مەن ديزەل ارزان؟
ۆەدومستۆو مالىمەتىنشە, جوسپارلانعان كولەمنىڭ ءبىر بولىگى جەتكىزىلگەن: 402,2 مىڭ توننادان 204,8 مىڭ تونناسى نەمەسە 51% جونەلتىلگەن. جالپى ىرىكتەۋ كولەمى 729 مىڭ توننادان 602 مىڭ تونناعا دەيىن قىسقارىپ, 127 مىڭ تونناعا نەمەسە 21%-عا ازايعان.
فرانتسيادا ديزەل باعاسى سوڭعى 40 جىلداعى ەڭ جوعارى كورسەتكىشكە جەتتى
مينيسترلىك اۋىل شارۋاشىلىعىن ديزەل وتىنىمەن قامتاماسىز ەتۋ جۇمىستارى تۇراقتى باقىلاۋدا ەكەنىن اتاپ ءوتتى.
نۇربولات امانبەك