بىرىككەن اراب امىرلىكتەرىنىڭ ء(باا) IMFK Fuel Trading كومپانياسى ماڭعىستاۋ وبلىسىندا ءىرى مۇناي-گاز حيمياسى كەشەنىن سالۋدى جوسپارلاپ وتىر. جوبانىڭ جالپى قۇنى 8 ملرد دوللارعا باعالانىپ وتىر, دەپ حابارلايدى Egemen.kz.
كومپانيا قازىرگى ۋاقىتتا EPCM (ينجينيرينگ, جابدىق ساتىپ الۋ جانە قۇرىلىس جۇمىستارىن باسقارۋ) مەردىگەرىن انىقتاۋ ءۇشىن اشىق حالىقارالىق تەندەر وتكىزىپ جاتىر. جوبا شەڭبەرىندە تىگىنەن ينتەگراتسيالانعان مۇناي-گاز حيمياسى كلاستەرىن قۇرۋ كوزدەلگەن.
كەشەن ءتورت نەگىزگى باعىتتان تۇرادى:
– مۇناي ءوندىرۋ جانە تاسىمالداۋ; – جىلىنا 6 ملن توننا مۇناي وڭدەيتىن زاۋىت سالۋ; – قۋاتى 200 مۆت بولاتىن گازتۋربينالى ەلەكتر ستانساسىن ىسكە قوسۋ; – تەڭىز سۋىن تۇششىلاندىرۋ جۇيەسىن ەنگىزۋ.
جوبا سيپاتتاماسىنا سايكەس, بولاشاق مۇناي وڭدەۋ زاۋىتىنىڭ وڭدەۋ تەرەڭدىگى 95%-دان كەم بولماۋعا, ال نەلسون يندەكسى 10,5-تەن جوعارى بولۋعا ءتيىس.
قازاقستان مۇناي ءوندىرىسىن تاعى ارتتىرادى: OPEC+ جاڭا كەلىسىمگە كەلدى
تەحنيكالىق تالاپتاردىڭ تاعى ءبىر ەرەكشەلىگى – قارا مۇناي ونىمدەرىن تاۋار رەتىندە شىعارۋعا تىيىم سالىنعان. اتاپ ايتقاندا, مازۋت, ۆاكۋمدىق گازويل جانە گۋدرون كوممەرتسيالىق ءونىم قاتارىنا ەنگىزىلمەيدى.
ساراپشىلار جوبانى اۋقىمدى ءارى تەحنولوگيالىق تۇرعىدان تارتىمدى دەپ باعالاپ وتىر. دەگەنمەن باستامانىڭ جۇزەگە اسۋىنا قاتىستى كۇمان دە بار. نەگىزگى ماسەلە – بولاشاق زاۋىتتى تۇراقتى شيكىزاتپەن قامتاماسىز ەتۋ. NRG_monitor ارناسىنىڭ مالىمەتىنشە, جوبانىڭ تاعدىرى كوبىنە وسى ماسەلەگە بايلانىستى بولادى.
مۇناي باعاسى كۇرت تومەندەدى