كوكشەتاۋ قالاسىندا ايەل ادامدى قاعىپ ولتىرگەن جۇرگىزۋشى ۇستالىپ, ۋاقىتشا ۇستاۋ يزولياتورىنا قامالدى. اقمولا وبلىستىق پوليتسيا دەپارتامەنتى وقيعاعا قاتىستى ەكى باپ بويىنشا قىلمىستىق ءىس قوزعالعانىن حابارلادى, دەپ جازادى Egemen.kz.
تەرگەۋ بارىسىندا كۇدىكتىنىڭ كولىك جۇرگىزۋ قۇقىعى بولماعانى جانە ءتيىستى وقۋ كۋرسىنان وتپەگەنى انىقتالعان. سونىمەن قاتار اۆتوكولىك يەسىنە, ياعني كۇدىكتىنىڭ جۇبايىنا قاتىستى دا قىلمىستىق ءىس قوزعالدى. ول كولىكتى جۇرگىزۋ قۇقىعى جوق ادامعا رولگە وتىرۋعا مۇمكىندىك بەرگەنى ءۇشىن جاۋاپقا تارتىلىپ وتىر. مۇنداي قۇقىقبۇزۋشىلىق ءۇشىن زاڭدا باس بوستاندىعىنان ايىرۋ جازاسى دا قاراستىرىلعان.
قازىر جول اپاتىنىڭ بارلىق ءمان-جايىن انىقتاۋعا باعىتتالعان قاجەتتى تەرگەۋ امالدارى جۇرگىزىلىپ جاتىر.
11 مامىر كۇنى كوكشەتاۋ قالاسىنىڭ مامانداندىرىلعان تەرگەۋ سوتى كۇدىكتىگە قاتىستى «ۇيقاماق» تۇرىندەگى بۇلتارتپاۋ شاراسىن قابىلدادى.
اقمولا وبلىستىق پوليتسيا دەپارتامەنتىنىڭ مالىمەتىنشە, اتالعان قىلمىستىق ءىستىڭ تەرگەلۋ بارىسى ۆەدومستۆو باسشىلىعىنىڭ ەرەكشە باقىلاۋىنا الىنعان.
ەسكە سالايىق, كوكشەتاۋدا جول تالعامايتىن كولىك ايەلدى باسىپ كەتىپ, ول وقيعا ورنىندا جان تاپسىرعان.