الەۋمەتتىك جەلىلەردە جوعارى سىنىپ وقۋشىسىنىڭ مۇعالىمگە قول كوتەرگەن ۆيدەوسى تارادى. الماتى وبلىسىنىڭ ءبىلىم باسقارماسى بۇل وقيعانىڭ بيىل قاڭتار ايىندا بولعانىن مالىمدەدى, دەپ حابارلايدى Egemen.kz.
وقيعا قاراساي اۋدانى شامالعان اۋىلىنداعى «جاڭا قازاق ورتا مەكتەبىندە» بولعان. مالىمەتكە سايكەس, مۇعالىم 11-سىنىپ وقۋشىسىنا ەسكەرتۋ جاساپ, ساباققا كىرۋىن تالاپ ەتكەن. الايدا وقۋشى بۇل جاعدايدى اگرەسسيۆتى قابىلداپ, پەداگوگقا شابۋىل جاساپ, دەنە جاراقاتىن كەلتىرگەن.
تارازدا مەكتەپ وقۋشىسىن جەتى قىز جابىلىپ سوققىعا جىققان
قۇقىق قورعاۋ ورگاندارى بۇل دەرەك بويىنشا قىلمىستىق ءىس قوزعالعانىن مالىمدەدى.
«وسى فاكتى بويىنشا بولعان وقيعانىڭ بارلىق ءمان-جايىن جان-جاقتى ءارى وبەكتيۆتى انىقتاۋعا باعىتتالعان تەرگەۋ شارالارى جۇرگىزىلۋدە», دەلىنگەن وڭىرلىك پوليتسيا دەپارتامەنتىنىڭ حابارلاماسىندا.
پاۆلوداردا مەكتەپ وقۋشىسى مۇعالىمگە قول كوتەردى
سونىمەن قاتار ءبىلىم باسقارماسىنىڭ حابارلاۋىنشا, مەكتەپ اكىمشىلىگى, اۋداندىق ءبولىم جانە پوليتسيا ورگاندارى تاراپىنان الدىن الۋ جانە ءتۇسىندىرۋ جۇمىستارى جۇرگىزىلىپ جاتىر.
نۇربولات امانبەك