استانا. 15 تامىز. فرانتسيا سوتى مەكتەپتەردە وقيتىن مۇسىلمان بالالارىنىڭ شوشقا ەتىن جەۋلەرىن مىندەتتى ەتكەن قاۋلى قابىلدادى. بۇل تۋرالى IslamNews سايتىنا سىلتەمە جاساعان ras.kz حابارلادى.
«فرانتسۋز مۇسىلماندارىنىڭ ليدەرلەرى سوتتىڭ مەملەكەتتىك مەكتەپتەردە وقۋشىلاردىڭ تاماقتانۋلارى تۇرعىسىنداعى كوپ جىلدىق ساياساتىنىڭ جويىلۋىنا باستايتىن قاۋلى قابىلداۋىن ايىپتادى. شاماسى, ەندى ولاردىڭ تۇسكى از كەزىندە دوڭىز ەتى ورنىنا وزدەرى قالايتىن باسقا ەت تۇرلەرىن اۋىستىرىپ الۋ مۇمكىندىكتەرى كەلمەسكە كەتكەن سياقتى», – دەلىنگەن حابارلامادا.
مۇسىلمان ءدىنى فرانتسۋز كەڭەسىنىڭ جەتەكشىسى ابدۋللا زەكري سوتتىڭ سارسەنبى كۇنى ديجون قالاسىنداعى مەكتەپتەگى وقۋشىلاردى تاماقتاندىرۋعا قاتىستى قابىلداعان قاۋلىسىنا وراي قاتتى الاڭداۋشىلىق ءبىلدىردى.
مۇسىلمان قاۋىمداستىعىنىڭ زاڭگەرلەرى قازىر سونداي-اق, شالون-سيۋر-سون قالاسى مەرىنىڭ مەكتەپتەردە اسحانالاردا مازىردەگى دوڭىز ەتىن الماستىرىپ الۋ مۇمكىندىگىن جويعان ديرەكتيۆاسىن قايتارتىپ الۋ ءۇشىن كۇرەسىپ جاتىر.
مەر-كونسەرۆاتور جيل پلاترە سوتتىڭ جوعارىدا اتالعان قاۋلىسىن «فرانتسياداعى سەكۋلياريزمنىڭ جەڭۋى» دەپ باعالادى. ال ابدۋللا زەكري ءوز كەزەگىندە مۇنداي شەشىمدەردىڭ وقۋشىلار اراسىنداعى قارىم-قاتىناسقا جىك سالاتىن ارانداتۋشىلىق ارەكەت دەپ اتاپ كورسەتتى.
تالعات رايىمبەك.
دەرەك, سۋرەت: ras.kz.