بانك شوتىنىڭ بۇعاتتالۋى – كەز كەلگەن كليەنت تاپ بولۋى مۇمكىن جاعداي. مۇنداي كەزدە سابىر ساقتاپ, ناقتى سەبەپتى انىقتاپ, ءتيىستى ارەكەتتەردى دەر كەزىندە جاساۋ ماڭىزدى, دەپ جازادى Egemen.kz.
بۇدان بولەك, بانك جۇيەسىندەگى تەحنيكالىق اقاۋلار, قاتە پين-كود ەنگىزۋ نەمەسە كارتانىڭ جارامدىلىق مەرزىمىنىڭ اياقتالۋى دا شوتقا قولجەتىمدىلىكتىڭ شەكتەلۋىنە اكەلۋى مۇمكىن.
اگەنتتىك مۇنداي جاعدايدا ەڭ الدىمەن قانداي قادام جاساۋ كەرەكتىگىن ەسكە سالادى. ەگەر شوت بۇعاتتالعانى انىقتالسا, الدىمەن بانكتىڭ موبيلدىك قوسىمشاسىنداعى حابارلامالاردى تەكسەرۋ قاجەت – كوبىنە سەبەپ سول جەردە كورسەتىلەدى. ودان كەيىن بانكپەن كولل-ورتالىق ارقىلى بايلانىسىپ نەمەسە بولىمشەگە بارىپ, تولىق اقپارات الۋ ۇسىنىلادى.
اعىمداعى شوت قارجىسىنا پايىز ەسەپتەۋ: بانكتەر مۇنداي قادامعا بارا ما؟
سونداي-اق eGov.kz پورتالى نەمەسە سالىق تولەۋشىنىڭ كابينەتى ارقىلى بەرەشەكتىڭ بار-جوعىن تەكسەرگەن ءجون. قاجەت بولعان جاعدايدا قاراجاتتىڭ شىعۋ كوزىن راستايتىن قۇجاتتاردى ۇسىنۋ تالاپ ەتىلەدى.
اگەنتتىك بۇعاتتاۋ تاۋەكەلىن ازايتۋ ءۇشىن بىرنەشە قاراپايىم قاعيدانى ساقتاۋعا كەڭەس بەرەدى. اتاپ ايتقاندا, جەكە شوتتى كاسىپكەرلىك ماقساتتا پايدالانباۋ, ءىرى نەمەسە كۇماندى وپەراتسيالار تۋرالى بانككە الدىن الا حابارلاۋ, سونداي-اق دەربەس دەرەكتەردىڭ وزەكتىلىگىن جانە قۇجاتتاردىڭ جارامدىلىق مەرزىمىن باقىلاۋ قاجەت. سونىمەن بىرگە بەرەشەكتەردى تۇراقتى تەكسەرىپ, ۋاقىتىلى وتەۋ ماڭىزدى.
شوتتىڭ دا سۇراۋى بار