ءماجىلىس «جانۋارلارعا جاۋاپكەرشىلىكپەن قاراۋ تۋرالى» زاڭعا ەنگىزىلەتىن تۇزەتۋلەردى قابىلدادى. قۇجات وسى سالاداعى زاڭنامانى جەتىلدىرۋگە, ازاماتتاردىڭ قاۋىپسىزدىگىن ارتتىرۋعا جانە جانۋارلارعا ىزگىلىكپەن قاراۋعا باعىتتالعان, دەپ جازادى Egemen.kz.
اتاپ ايتقاندا, ۇستالعان جانۋارلاردى قايتا جىبەرۋدى بولدىرماۋ ءۇشىن ولاردى ۋاقىتشا ۇستاۋ پۋنكتتەرىنە مىندەتتى تۇردە تاپسىرۋ ۇسىنىلادى. سونداي-اق يەسىز جانۋارلاردى مەملەكەتتىك بيۋدجەت ەسەبىنەن ۆاكتسيناتسيالاۋ نورماسى الىپ تاستالادى.
بۇدان بولەك, قاراۋسىز جۇرگەن جانۋارلاردىڭ سانىن رەتتەۋ كوزدەلگەن. ونىڭ ىشىندە جۇرتشىلىقتىڭ دەنساۋلىعىن قورعاۋ جانە اۋرۋلاردىڭ تارالۋىنىڭ الدىن الۋ ءۇشىن ەۆتانازيا قولدانۋ مۇمكىندىگى دە قاراستىرىلادى. بۇل فۋنكتسيالار جانۋارلاردى اۋلاۋمەن اينالىساتىن جەرگىلىكتى اتقارۋشى ورگاندارعا بەكىتىلىپ, ولاردىڭ وكىلەتتىكتەرى كەڭەيتىلەدى.
قازاقستاندا ءار ساعات سايىن بەس ادامدى يت قابادى
قۇجات ءۇي جانۋارلارىن ەسەپكە الۋ جۇيەسىن دامىتۋدى دا قاراستىرادى. اتاپ ايتقاندا, چيپتەۋدى مىندەتتى تۇردە ەنگىزۋ, سونداي-اق جانۋارلاردى تەك تىركەۋ بولعان جاعدايدا عانا كوبەيتۋ تالاپتارى بەلگىلەنەدى.
سونىمەن قاتار قوعامدىق باقىلاۋ قۇقىعى بەكىتىلەدى, ءسويتىپ قوعام وكىلدەرى جانۋارلاردىڭ پاناجايلارى مەن ۋاقىتشا ۇستاۋ پۋنكتتەرىنە بارۋعا مۇمكىندىك الادى.
ءۇي جانۋارلارىن چيپتەۋ: جانۋارلار تۋرالى جاڭا زاڭ بويىنشا يەلەردىڭ جاۋاپكەرشىلىگى كۇشەيتىلەدى
زاڭدى قاراۋ بارىسىندا دەپۋتاتتار «جەرگىلىكتى مەملەكەتتىك باسقارۋ جانە ءوزىن-ءوزى باسقارۋ تۋرالى», «ۆەتەريناريا تۋرالى» زاڭدارعا دا وزگەرىستەر ەنگىزدى. تۇزەتۋلەر جەرگىلىكتى ورگانداردىڭ جانۋارلار سانىن رەتتەۋ, جانۋارلارعا ارنالعان پاناجايلاردى قولداۋ جانە ولاردى جاڭا يەلەرىنە بەرۋ باعىتىنداعى الەۋمەتتىك جارنامانى دامىتۋ جونىندەگى وكىلەتتىكتەرىن ناقتىلايدى.