«Qarmet» كومپانياسى وندىرىستىك تسيكلدىڭ تۇراقتىلىعىن قامتاماسىز ەتۋ ءۇشىن جاڭا نىسانداردىڭ قۇرىلىسىن پىسىقتاپ جاتىر. بۇل تۋرالى بۇگىن ۇكىمەت وتىرىسىندا «Qarmet» كومپانياسىنىڭ باسقارۋشى ديرەكتورى ەربول يسمايلوۆ باياندادى, دەپ جازادى Egemen.kz.
«بۇگىندە كاسىپورىننىڭ ەنەرگەتيكالىق ينفراقۇرىلىمى جەو-2-ءنىڭ جانە بۋ-اۋا ستانساسى بار جەو-نىڭ بازاسىندا قالىپتاسقان. ولاردىڭ جيىنتىق قۋاتى – شامامەن 400 مۆت. سونىمەن قاتار بولات ءوندىرىسىنىڭ كولەمىن 5 ملن تونناعا دەيىن ۇلعايتۋ جونىندەگى جوسپاردى ەسكەرسەك, ەلەكتر ەنەرگياسىنا دەگەن قاجەتتىلىك 630 مۆت-قا دەيىن ارتادى, بۇل ورتا مەرزىمدى پەرسپەكتيۆادا ىشكى گەنەراتسياسىنىڭ تاپشىلىعىن تۋدىرادى», دەدى ەربول يسمايلوۆ.
Qarmet-تە جاڭا بۋىنداعى احۋال ورتالىعى ىسكە قوسىلدى
وسىعان بايلانىستى جەو-2 بازاسىندا جيىنتىق قۋاتى شامامەن 300 مۆت بولاتىن ەكى ەنەرگيا بلوگىن سالۋ جوباسى جوسپارلانىپ وتىر. جوبانى جۇزەگە اسىرۋ وندىرىستىك پروتسەستەردىڭ تۇراقتىلىعىن قامتاماسىز ەتۋگە, ءوڭىر ءۇشىن قۋات رەزەرۆىن قۇرۋعا جانە بىرىڭعاي ەنەرگيا جۇيەسىنە جۇكتەمەنى ازايتۋعا مۇمكىندىك بەرەدى.
«Qarmet» ۇلىتاۋ وبلىسىنا 700 ميلليون تەڭگە بولەدى
سونىمەن قاتار قولدانىستاعى قۋات كوزدەرىن دە جاڭعىرتۋ قولعا الىنعان. جەو-دا جاڭا قازاندىق سالۋ, گاز قۇبىرلارىن اۋىستىرۋ جانە ءتۇتىن قۇبىرلارىن جوندەۋ بويىنشا جوبالار جۇزەگە اسىرىلىپ جاتىر.