پرەمەر-مينيستر ولجاس بەكتەنوۆ ورتالىق مەملەكەتتىك ورگانداردىڭ, باسەكەلەستىكتى قورعاۋ جانە دامىتۋ اگەنتتىگىنىڭ, «سامۇرىق-قازىنا» اق باسشىلارىنىڭ قاتىسۋىمەن ەكونوميكانى مونوپولياسىزداندىرۋ جونىندەگى كوميسسيانىڭ وتىرىسىن وتكىزدى.
وندا مەملەكەت باسشىسى قاسىم-جومارت توقاەۆتىڭ ەكونوميكانى ودان ءارى ىرىقتاندىرۋ مەن باسەكەلەستىكتى دامىتۋ, ونىڭ ىشىندە تاۋار جانە تسيفرلىق نارىقتارداعى كەدەرگىلەردى جويۋ, دەنساۋلىق ساقتاۋ, بايلانىس, ەلەكتر ەنەرگەتيكاسى, تابيعي مونوپوليالار قىزمەتتەرى سالاسىنداعى رەتتەۋدى جەتىلدىرۋ بويىنشا قويعان مىندەتتەرىن جۇزەگە اسىرۋ ماسەلەسىنە ەرەكشە نازار اۋدارىلدى.
كوميسسيا مەملەكەت باسشىسىنىڭ «ەكونوميكانى ىرىقتاندىرۋ جونىندەگى شارالار تۋرالى» جارلىعىنىڭ ورىندالۋ بارىسىن قارادى. باسىم باعىتتاردىڭ ءبىرى – ءدارى-دارمەكتەردى نارىققا شىعارۋ مەرزىمىن 3–5 جىلدان 100 جۇمىس كۇنىنە دەيىن قىسقارتۋ. دەنساۋلىق ساقتاۋ مينيسترلىگى پرەپاراتتاردى تىركەۋ مەن ساراپتامادان وتكىزۋدىڭ نەگىزگى كەزەڭدەرىن بىرىكتىرەتىن «بىرىڭعاي تەرەزە» قاعيداتى بويىنشا كومپوزيتتىك مەملەكەتتىك قىزمەتتى ەنگىزىپ جاتىر. حالىقتىڭ يننوۆاتسيالىق مەديتسيناعا كەڭ اۋقىمدا قول جەتكىزۋىن ءارى تەحنولوگيالار ترانسفەرتىن قامتاماسىز ەتۋ ماقساتىندا كوميسسيا تۇپكىلىكتى تسيفرلاندىرۋدى جۇرگىزۋ جانە ساتىپ الۋدىڭ بارلىق نەگىزگى تىزبەسىنە دارىلىك زاتتار مەن مەديتسينالىق بۇيىمداردى قاتار ەنگىزۋ ماسەلەسىن قارادى.
دەرەكتەردى سايكەستەندىرۋ كودتارىنىڭ بازاسىنا ەنگىزۋگە قاجەتتى ءموبيلدى قۇرىلعىلاردى ۆەريفيكاتسيالاۋ ماسەلەسىنە دە نازار اۋدارىلدى. پرەمەر-ءمينيستردىڭ ورىنباسارى – جاساندى ينتەللەكت جانە تسيفرلىق دامۋ ءمينيسترى جاسلان ماديەۆ «تەلەكوممۋنيكاتسيالار نارىعىن جانە دەرەكتەردى وڭدەۋ ورتالىقتارىن دامىتۋ تۋرالى» زاڭ جوباسى شەڭبەرىندە جۇرگىزىلىپ جاتقان ءىس-شارالار تۋرالى باياندادى. ۆەريفيكاتسيا ءراسىمىن زاڭناما ارقىلى ناقتى بەكىتۋ تىركەۋ جۇيەسىنىڭ ورنىقتىلىعى مەن تسيفرلىق ينفراقۇرىلىمنىڭ تۇراقتى جۇمىسىن قامتاماسىز ەتەدى.
ودان بولەك ەلەكتروندىق قۇجات اينالىمى جۇيەلەرى نارىعىن دامىتۋ جانە تسيفرلىق سەكتوردا باسەكەلەستىك ورتانى قالىپتاستىرۋ باعىتىندا اتقارىلىپ جاتقان جۇمىس تۋرالى حابارلاندى.
ينۆەستيتسيا تارتۋ, جاڭا قۋاتتاردى ىسكە قوسۋ, تاريفتىك جۇكتەمەنى تەڭەستىرۋ ماقساتىندا ەنگىزىلگەن ەلەكتر ەنەرگياسىن بىرىڭعاي ساتىپ الۋشىنىڭ جۇمىسىنا قاتىستى سۇراقتار, سونداي-اق تەمىرجولداعى كىرەبەرىس جولدارداعى تۇيتكىلدى ماسەلەلەردى جويۋ جايى تالقىلاندى.