بۇلاق كورسەڭ, كوزىن اش

وڭىرگە ساپارى بارىسىندا پرەمەر-مينيستر ولجاس بەكتەنوۆ سايرام اۋدانى اقبۇلاق اۋىلىنداعى «اق-اتا» بۇ­لا­عىن تازارتۋ, اباتتاندىرۋ ءىس-شارا­سى­­نا قا­تىستى. جالپى اۋدانى 3,5 گەك­­­تار بولاتىن, تاريحى XVII–XVIII عاسىر­­لار­دان­ باس­تالاتىن بۇلاق كوزىن تازار­تۋ, اي­نا­­لا­سىن اباتتاندىرۋ, اعاش كوشەت­تەرىن وتىر­عىزۋ جۇمىستارىنا اتسالىستى.

الداعى ۋاقىتتا «قازگيد­رو­گەولوگيا» ۇلتتىق گيدروگەولوگيالىق قىزمەتى بۇلاقتاردى تۇگەندەۋگە كىرىسپەكشى. بۇگىندە 711 بۇلاق كوزى انىقتالدى, سونداي-اق مۇراعات ماتەريالدارىنا سايكەس, 2 772 بۇلاق كارتاسى جاسالدى. جالپى, ەكولوگيالىق باستامالاردى جۇزەگە اسىرۋ سۋدىڭ تابيعي كوزدەرىن ساقتاۋعا, حالىقتىڭ ەكولوگيالىق مادەنيەتىن ارتتىرۋعا, سۋ رەسۋرستارىنا ۇقىپتى قاراۋعا باعىتتالعان.

– مەملەكەتتىڭ مىندەتى – ادامنىڭ ءومىرى مەن دەنساۋلىعىنا قولايلى قورشاعان ورتانى قالىپتاستىرۋ. «تازا قازاقستان» باستاماسى قوعام مەن مەملەكەتتىڭ كۇش-جىگەرىن بىرىكتىرە وتىرىپ, جالپىۇلتتىق قوزعالىسقا اينالدى. بۇل – ناتيجەلى, جاسامپاز ءپاتريوتيزمنىڭ ايقىن ۇلگىسى. اكتسيا تەك سەنبىلىكتەرمەن, اعاش ەگۋمەن شەكتەلمەيدى. ء«مولدىر بۇلاق» باستاماسى تابيعي بۇلاقتار مەن سۋ ايدىندارىن قامتي وتىرىپ, سۋ رەسۋرستارىن ۇتىمدى پايدالانۋ ماسەلەسىنىڭ ماڭىزىن جالپى قوعامدىق دەڭگەيگە كوتەرىپ وتىر, – دەپ اتاپ ءوتتى و.بەكتەنوۆ.

ء«مولدىر بۇلاق» ەكولوگيالىق اكتسياسىنىڭ ءبىرىنشى كەزەڭىندە اتقارىلاتىن تازارتۋ, اباتتاندىرۋ جۇمىستارى ەلىمىزدىڭ التى ءوڭىرىن – تۇركىستان, جامبىل, قىزىلوردا, الماتى, جەتىسۋ وبلىستارىنداعى, شىمكەنت قالاسىنداعى بۇلاقتاردى قام­­­تيدى. ەكىنشى كەزەڭ ءساۋىر ايىنا جوسپارلانعان, ەلىمىزدىڭ قالعان وڭىرلەرىندە ۇيىمداستىرىلادى.

ء«مولدىر بۇلاق» اكتسياسى اياسىندا وتكەن تازالىق جۇمىسى بارىسىندا ءوڭىردىڭ بارلىق اۋدا­نىندا بۇلاق كوزى اشىلىپ, اينالاسى كۇل-قوقىستان تازارتىلدى. وبلىس كولەمىندە اكتسيا تۇلكىباس اۋدانىندا باستالىپ, شاراعا وبلىس اكىمى نۇرالحان كوشەروۆ قاتىستى. اۋداندا ­40-تان استام بۇلاق كوزدەرى اشىلىپ, وعان 3 مىڭنان استام اۋىل ارداگەرلەرى مەن تۇرعىندارى, جاستار مەن بەلسەندىلەر, مەكەمە قىزمەتكەرلەرى اتسالىستى. بۇگىندە اۋداننان 7 وزەن باستاۋ الىپ, ەلدى مەكەندەر ماڭىنداعى 53 بۇلاق حالىق يگىلىگىنە قىزمەت ەتىپ كەلەدى.

ورداباسى اۋدانىنا قاراستى شۇبار اۋىلدىق وكرۋگىندەگى قاسيەتتى «كوزدى اتا» بۇلاعىنىڭ ماڭىندا دا اۋقىمدى تازالىق جۇمىسى ۇيىمداستىرىلدى. اۋدان اۋماعىندا 20-عا جۋىق بۇلاق كوزى بار. بۇلاقتاردىڭ بارلىعىندا دەرلىك ءتيىستى مەكەمە قىزمەتكەرلەرى, اباتتاندىرۋ سالاسىنىڭ ماماندارى, اۋىل تۇرعىندارى مەن ەرىكتىلەر بىرلەسە جۇمىس اتقارىپ, بۇلاق كوزدەرىن اشۋ, اينالاسىن قوقىستان تازارتۋ, رەتكە كەلتىرۋ جۇمىسىن جۇرگىزدى.

يگى باستاما قازىعۇرت اۋدا­نىندا دا جوعارى دەڭگەيدە ۇيىمداستىرىلدى. قازىعۇرت تاۋىنىڭ باۋرايىنداعى اتبۇلاق ەلدى مەكەنىندە وتكەن ەكولوگيالىق شارا بارىسىندا كيەلى «اقبۋرا اۋليە» بۇلاعىنىڭ اينالاسى تولىق تازارتىلىپ, اباتتاندىرىلدى. اۋدان اۋماعىنداعى 10 بۇلاقتىڭ اينالاسىندا تازالىق جۇمىستارى جۇرگىزىلىپ, تال ەگۋ, اكتەۋ, اباتتاندىرۋ شارالارى ۇيىمداستىرىلدى.

تولەبي اۋدانىندا اڭگىر-اتا اۋىلىنداعى «شىلتەر اۋليە» بۇلاعى, مايبۇلاق اۋىلىنداعى «نۇر-اتا» بۇلاعى, قاينار اۋىلىنداعى «جىلاق-اتا» بۇلاعى, كوكسايەك اۋىلىنداعى «گەورگي اۋليە» بۇلاعى اۋماقتارى تولىق تازارتىلىپ, رەتكە كەلتىرىلدى. ەكولوگيالىق اكتسياعا اۋدان اكىمى ەركەعالي الىمقۇلوۆ جەتەكشىلىك ەتىپ, ­30-عا جۋىق زيالى قاۋىم وكىلى, 45 جۇمىسشى, 70 ەرىكتى قاتىستى. جۇمىستى ساپالى ءارى ۋاقتىلى ورىنداۋعا 5 تراكتور, 3 «كاماز» جۇك كولىگى, 3 سۋ تاسيتىن ارنايى تەحنيكا جۇمىلدىرىلدى. جالپى, اۋ­دان اۋماعىندا 100-دەن استام بۇلاق كوزى بار.

شاردارا اۋدانىندا ء«مولدىر بۇلاق» اكتسياسى سىرداريا وزەنىنىڭ جاعالاۋىندا وتكىزىلدى. ەكولوگيالىق شاراعا 500-دەن استام ادام جۇمىلىپ, تابيعاتتى قورعاۋ, تازالىق جۇمىسىنا اتسالىستى. سونداي-اق بۇل كۇنى سوزاق اۋدانىنداعى اشا تاۋىنان باستاۋ الاتىن, جارتىتوبە اۋىلىنىڭ اۋماعىنا دەيىنگى ­50-دەن اسا بۇلاق كوزى اشىلدى.

تۇركىستان وبلىسى