قوستانايدا ءبىر توپ ماس ادام پوليتسيا قىزمەتكەرىنە شابۋىل جاسادى

قۇقىق قورعاۋ ورگاندارىنىڭ مالىمەتىنشە, قىزمەتكەر جۇمىستان تىس ۋاقىتىندا قاسىنا كامەلەتكە تولماعان بالالارىن ەرتىپ بارا جاتقان. ول پوليتسيا فورماسىندا بولىپ, ماس كۇيدە جۇرگەن ءبىر توپ ەر ادامعا قوعامدىق ءتارتىپتى بۇزعانى ءۇشىن ەسكەرتۋ جاساعان. 

اتالعان فاكتى بويىنشا قىلمىستىق ءىس قوزعالدى.

«پوليتسيا قىزمەتكەرى قۇقىق بۇزۋشىلارعا ەسكەرتۋ جاساعاننان كەيىن ولار اشىق اگرەسسياعا كوشىپ, كۇش قولداندى. شابۋىل جاساعانداردىڭ بارلىعى انىقتالىپ, وقيعا ورنىندا ۇستالدى», دەپ حابارلادى پوليتسيا.

پوليتسيا دەپارتامەنتىنىڭ رەسمي مالىمەتىنشە, زارداپ شەككەن پوليتسيا قىزمەتكەرى امبۋلاتورلىق ەم قابىلداپ جاتىر.

الماتىدا جەدەل جاردەم قىزمەتكەرىنە شابۋىل جاساعان كۇدىكتى ۇستالدى

الايدا جاعدايى تولىقتاي جاقسى ەمەس. وقىرمانداردىڭ ايتۋىنشا, پوليتسەي اۋرۋحاناعا جەتكىزىلگەنىمەن, اۋرۋحاناعا جاتۋدان باس تارتقان. ەگەر جاعدايى ناشارلاسا, قايتادان دارىگەرلەرگە قارالماق. زارداپ شەككەن قىزمەتكەر باس-مي جاراقاتىن الىپ, دەنەسىنىڭ ءار جەرىنەن سوققى العان. ال وقيعا كەزىندە جانىندا بولعان پوليتسەيدىڭ بالالارى ءدىن امان ەكەنى حابارلاندى.

وسكەمەندە پاترۋلدىك پوليتسياعا شابۋىل جاسالدى

الدىن الا مالىمەتتەرگە سايكەس, شابۋىل جاساعاندار ۇشەۋ بولعان, ال تاعى بىرنەشە ادام, سونىڭ ىشىندە تاكسي جۇرگىزۋشىسى, توبەلەستىڭ كۋاگەرى بولعان.