«قازمۇنايگاز» ۇك اق باسقارما توراعاسى اسحات حاسەنوۆ ۇكىمەت وتىرىسىندا پرەمەر-مينيستر ولجاس بەكتەنوۆكە گەولوگيالىق بارلاۋدا يننوۆاتسيالىق تەحنولوگيالار مەن جاساندى ينتەللەكتىنى ەنگىزۋ تۋرالى باياندادى, دەپ حابارلايدى Egemen.kz.
«قازمۇنايگاز» جالپى قارجىلاندىرۋ كولەمى 17,3 ملرد تەڭگەنى قۇرايتىن عىلىمي-زەرتتەۋ جوبالارىن جۇزەگە اسىرىپ جاتىر. كەشەن 80 تەحنولوگيالىق مىندەتتى قامتيدى. جۇمىس كومىرسۋتەك قورلارىن ىزدەۋ جانە باعالاۋ تيىمدىلىگىن ارتتىرۋعا باعىتتالعان.
مۇناي باعاسى باررەلىنە 115 دوللارعا جەتتى: رەكوردتىق ءوسىم تىركەلدى
ورىندالعان زەرتتەۋ جۇمىستارىنىڭ ناتيجەسىندە 22 گەولوگيالىق بارلاۋ جوباسىن قامتىعان پورتفەل قالىپتاستىرىلدى, ونىڭ جيىنتىق گەولوگيالىق رەسۋرستىق بازاسى 4,7 ملرد تونناعا جۋىق شارتتى وتىندى قۇرايدى. 2026-2029 جىلدارعا ارنالعان باعدارلاما اياسىندا كومپانيا 25 ىزدەۋ ۇڭعىماسىن بۇرعىلاۋدى جوسپارلاپ وتىر.
«قازمۇنايگاز» بەس نەگىزگى مۇناي-گاز باسسەيننىڭ باسسەيندىك مودەلدەۋىن جاسادى. بۇل جۇمىس كومىرسۋتەكتەردىڭ شوعىرلانۋ جاعدايلارى مەن قوزعالۋ جولدارىن انىقتاۋعا باعىتتالعان. وسىلايشا پەرسپەكتيۆالى ۋچاسكەلەردى بولجاۋ دالدىگى ارتادى.
«قازاقستاندا بۇرىن قولدانىلماعان يننوۆاتسيالىق تەحنولوگيالار سەيسميكالىق بارلاۋ سالاسىنا دا بەلسەندى ەنگىزىلىپ جاتىر. اتاپ ايتقاندا, دالالىق سەيسميكالىق بارلاۋ جۇمىستارىن 20%-عا دەيىن جەدەلدەتۋ ءۇشىن سىمسىز قابىلداعىشتار, سونداي-اق جۇمىستاردى قاتىناۋعا قيىن ايماقتار مەن از زەرتتەلگەن ۋچاسكەلەردە جۇرگىزۋ ءۇشىن ەلەكتر-ماگنيتتىك يمپۋلستىك كوزدەر پايدالانىلادى. بۇرعىلاۋ سالاسىنداعى جاڭا تەحنولوگيالار العاش رەت 5 500 مەتردەن استام تەرەڭدىكتە ۇڭعىمالار بۇرعىلاۋعا مۇمكىندىك بەردى», دەپ اتاپ ءوتتى اسحات حاسەنوۆ.سونىمەن قاتار زەرتتەۋلەردى جەدەلدەتۋ ءۇشىن تسيفرلىق كەرن تەحنولوگيالارىن, دەرەكتەردى وڭدەۋ مەن ينتەرپرەتاتسيالاۋ مەرزىمىن قىسقارتۋ ءۇشىن جاساندى ينتەللەكتىنى, سونداي-اق LLM ۇلگىلەرىن ازىرلەۋدى قامتيتىن جاساندى ينتەللەكت ەلەمەنتتەرىن ەنگىزۋ جۇمىستارى جۇرگىزىلىپ جاتىر.
قازاقستان مۇناي وڭدەۋ قۋاتىن 2 ەسەگە ارتتىرۋدى كوزدەپ وتىر