سينوپتيكتەر 31 ناۋرىزعا ارنالعان سينوپتيكالىق جاعداي مەن اۋا رايى قۇبىلىستارىنىڭ بولجامىن ۇسىندى, دەپ حابارلايدى Egemen.kz
وعان سايكەس, قىزىلوردا وبلىسىنىڭ شىعىسىندا, تۇركىستان وبلىسىنىڭ باتىسىندا, قوستاناي وبلىسىنىڭ وڭتۇستىگىندە جانە جەتىسۋ وبلىسىندا ءورت قاۋپى جوعارى بولادى دەپ كۇتىلەدى.
«كەڭ اۋقىمدى انتيتسيكلوننىڭ اسەرىنەن قازاقستان اۋماعىنىڭ باسىم بولىگىندە جاۋىن-شاشىنسىز اۋا رايى ساقتالادى. تەك ەلىمىزدىڭ باتىسىندا, وڭتۇستىگىندە جىلجىعان اتموسفەرالىق فرونتالدى بولىكتەردىڭ اسەرىنەن نايزاعاي ويناپ, جاڭبىر جاۋادى, وبلىستىڭ باتىسىندا نوسەر جاڭبىر بولادى», دەلىنگەن حابارلامادا.رەسپۋبليكا بويىنشا, سينوپتيكتەر اتاپ وتكەندەي, باتىستا تۇمان, وڭتۇستىكتە, ورتالىقتا جەلدىڭ ەكپىن الۋى, وڭتۇستىك-شىعىستا شاڭدى داۋىل تۇرادى دەپ كۇتىلەدى.
اقمولا وبلىسىندا وزەن تاسىپ, كوپىردى سۋ باسىپ قالدى