قايىرىمدىلىق – بارشانى بىرىكتىرەتىن قۇندىلىق

جال­عىزباستى انا ايسۇلۋ كوشەر­­­باە­ۆا تاع­دىر تاۋ­قىمەتىمەن مۇمكىن­دى­گى شەك­تەۋلى اكەسىنە قام­قور­لىق جاساي ءجۇرىپ, ءتورت پەرزەنتىمەن بىرنەشە جىلدان بەرى پاتەر جالداپ كۇنەلتىپ كەلگەن. رامازان ايىندا قايىرىمدى ءىستىڭ شاراپاتىن كورگەن وتباسى جاقسىلىققا جانى قۇمار جاندارعا العىسىن ءبىلدىردى. بەس بولمەلى باسپانانىڭ لەنتاسىن قيىپ, كىلتىن تابىستاۋ اۋىل اقساقالى داۋلەتكەرەي وسپانوۆقا, وليمپيادا چەمپيونى بەكزات ساتتارحانوۆتىڭ اناسى سىرلىكۇل ادىر­بەكقىزىنا, مەملەكەت جانە قوعام قايراتكەرى وزبەكالى جانىبەكوۆتىڭ قارىنداسى ايعانىم سەرىمگە بۇيىردى. ايتا كەتەيىك, 1988 جىلى تۋعان ازاماتتاردىڭ باستاماسىمەن قولعا الىنعان ناۋرىز مەرەكەسى قارساڭىندا ءبىر وتباسىن باس­پانامەن قامتۋ شاراسىن بۇل جولى 1995 جىلى تۋعان جىگىتتەر جالعاستىردى. يگى ءداستۇردىڭ ناتيجەسىندە وسى ۋاقىتقا دەيىن 20 وتباسى باسپانالى بولىپ وتىر.

شاردارا اۋدانى قوس­سەيىت اۋىلدىق وكرۋگىندە «سىرداريا» جالپى ورتا مەكتەبىن 2006 جىلى بىتىر­گەن تۇلەكتەر كوپبالالى ءارى باسپاناعا مۇقتاج وتباسىنا باسپانا سىيلادى. سونداي-اق اۋدان اكىمى ارمان قارسىباەۆ ورتالىق مەشىتتىڭ باس يمامى قاجىمۇقان قازى­باەۆقا دەمەۋشىلەردىڭ قولداۋىمەن الىنعان بەس بولمەلى قىزمەتتىك ءۇي مەن جاڭا قىزمەتتىك اۆتوكولىكتى سالتاناتتى تۇردە تابىس ەتتى.

ورازا ايت قارساڭىندا تولەبي اۋدانىندا دا قايى­رىم­دىلىق شاراسى ءوتتى. «قۋانىش ەشەنقۇل» جەكە قورىنىڭ دەمەۋشىلىگىمەن ۇيىمداستىرىلعان يگى ءىس بارىسىندا 200 الەۋمەتتىك از قامتىلعان وتباسىنا ازىق-ت ۇلىك سەبەتتەرى تابىستالدى.

تۇركىستان وبلىسى